Home Hudicial PG a exigi 5 aña di prison pa a purba viola dama...

PG a exigi 5 aña di prison pa a purba viola dama taxista di 70 aña y pasa e taxi riba dje

3
0
SHARE
- Advertisement -

Ex militar Americano ta keda para riba cu e no ta corda nada

ORANJESTAD    (AAN) – Ayera Hof di Corte Superior a trata e apelacion di e Americano P.S.M. kende na Juli 2016 a worde condena na 4 aña di prison.

P.S.M. ta wordo acusa di a purba viola un dama taxista di 70 aña y a horta su taxi. Fiscal a exigi 5 aña di prison pa P.S.M. y Hues teniendo cuenta cu sentencianan di Corte Comun di Husticia a conden’e na 4 aña di prison.

E tres Huesnan cu ta forma Hof a haci P.S.M. un serie di pregunta. Anterior DIARIO a publica cu tin indicacion cu P.S.M. lo por ta sufri di e asina yama PTSD, cu ta un sorto di estado di stress cu e mayoria di militarnan cu a bay Iran, Irak a keda cun’e.

SOSPECHOSO NO TA CORDA

Hof a puntra P.S.M. si e ta corda kico a sosode. E sospechoso a keda para riba cu e no ta corda nada desde algun minuut cu el a bebe e ultimo bebida den un club nocturno banda di e hotelnan grandi. Despues e ta corda cu el a tende un hende ta grita cu un stem pisa: “Hey, what are you doing”. Ora el a lanta el a hay’e den warda di Polis geboei. E no ta corda cu el a wordo deteni.

Hof a puntr’e si e ta corda cu e chofer di taxi a hib’e botica Trupial. P.S.M. a bisa Hof cu e no ta corda esey. El a bisa cu loke e ta corda ta cu den hotel, mas tempran el a puntra pa bay un botica.

Hof a mustra cu segun declaracion di victima, el a para pa P.S.M. den careda di 12.20 di anochi, dilanti Ocidental Hotel. E taxista dama di 70 aña a bisa cu P.S.M. tabata amigabel. Pero despues el a cuminza papia manera un hende bao influencia. Nan a yega Renaissance y P.S.M. a pidi pa bay botica. Nan a bolbe sali rumbo botica. Na caminda pa botica, e taxista a ripara cu P.S.M. a lembe na un waxpaper.

Despues di esey, el a ripara cu P.S.M. a cambia. P.S.M., segun e taxista su declaracion na Polis, a cuminsa papia duro. Ora nan a yega botica, e taxista kier a baha P.S.M. for di auto pa e forma con e tabata papia. Na dado momento P.S.M. a baha for di e taxi, dal e dama taxista mokete den cara. Door di esaki e taxista a cay dal su cabez duro ariba suela.

P.S.M. a bula sinta riba dje y a purba kita su paña y tabata bisa e taxista pa e tin relacion sexual cun’e.

E dama taxista ta corda cu diripiente a scucha un stem pisa: “What are you doing there”. E momento ey P.S.M. a core subi e taxi y a start e taxi pa core bay. E dama taxista a purba di saca e yabi for di e swith pero P.S.M. a primi gas y e auto a pasa riba pia di e dama taxista.

Hof a puntra P.S.M., si su pasado como militar por tin di haber cu e delito serio aki. Segun P.S.M., nunca el a wordo diagnostica y ora e wak amigonan cu si tin PTSD, e no ta sinti asina.

EXIGENCI DI PG

PG ta haya cu P.S.M. ta culpable. El a mustra cu durante tratamento di e caso den Corte den Promer Instancia a mustra cu psychiater a constata cu P.S.M. ta responsabel pa su actonan.

  1. a mantene e punto di bista di Fiscal esta cu P.S.M. a maltrata un dama di 70 aña pa satisface su deseonan. Door di e acto aki a perhudica e dama pa por traha y gana su placa. PG a exigi 5 aña di prison kitando mescos cu Fiscal a haci.

Despues di a scucha abogado mr. Emerencia, Hof a sera tratamento di e caso y a bisa cu ta bay studia esaki y dia 9 Januari 2017 lo tin sentencia.

- Advertisement -

DUNA COMENTARIO

Please enter your comment!
Please enter your name here