Home Policial Polis investigando caso straño di asalto of secuestro na Savaneta

Polis investigando caso straño di asalto of secuestro na Savaneta

1
0
SHARE
- Advertisement -

ORANJESTAD  (AAN): Diaranzon den oranan di marduga a sosode un caso na Savaneta, cu a rekeri presencia rapido di Polis.

   E prome informe tabata mustra cu ta trata di un caso di atraco brutal usando arma y despues a papia di un secuestro, etc.

   Tin agresion tambe cu a tuma lugar. E informacion tabata poco den henter e caso aki. No a duna autoridad un informacion exacto pero ta a base di cierto informacion Polis tabata purba di yega na e sospechosonan.

   Autoridad a bay na Pos Chikito, Savaneta y Sabana Basora buscando cualkier un di e sospechosonan envolvi pasobra masha informacion no tabata tin. Poco poco a keda acumula informacion.

     Parce cu un muher a worde hiba for di e lugar contra su boluntad. A menciona cu ta hendenan Venezolano a comete e acto aki.

   Na prome instante a menciona di hendenan arma pero esaki despues no por a worde confirma tampoco. Mainta a bin haya informacion cu na Savaneta poco pabou di ex-Brisas del Mar a bin haya un auto staciona.

   E Chevrolet Optra color shinishi cu for di trempan a worde menciona di a envolvi den e caso di supuesto secuestro, y si bo wak, ta mira cu apenas falta un tiki pa e auto a bay lama.

   Polis a yega mesora y a haya e auto para tras den un compleho di apartamento den construccion. Recherche y Departamento Tecnico di Polis a yega na e lugar. Eynan a cuminsa cu un investigacion profundo.

   A busca den e Mangrovenan tambe pa cualkier evidencia of hende. Polisnan ainda e momento ey tabata keda busca informacion pa mira si por saca afo exactamente kico ta e motibo di e accion di bay cu hende for di e lugar na Savaneta contra su boluntad.

   Asina autoridad y Fiscal a confisca e Chevrolet Optra.

- Advertisement -

DUNA COMENTARIO

Please enter your comment!
Please enter your name here