Home Cultura UNOCA a presenta su relato anual di 2016

UNOCA a presenta su relato anual di 2016

2
0
SHARE
- Advertisement -

Enfocando riba profesionalismo y transparencia

ORANJESTAD (AAN): UNOCA ta e fundacion cu desde 1986 ta stimula cultura di Aruba door di respalda iniciativanan innovativo cu e vision pa desaroya talento cultural y crea partcipacion activo den cultura na Aruba. Creando un brug entre cultura y sociedad. Su mision ta pa haci arte y cultura di Aruba accesibel na publico en general y stimula variacion, inovacion y inspira desaroyo di arte y cultura.

   Den 2016, UNOCA a cumpli 30 aña como fondo cultural di nos isla, enfokando riba profesionalismo y calidad. UNOCA ta un fundacion cu ta ricibi subsidio y ta mantene su mes na regla di subsidieverordening, cu controlnan interno sigurando transpariencia y eficiencia. En conexion cu esaki UNOCA ta informa comunidad riba su organizacion y proyectonan ehecuta e aña aki.

    METANAN STRATEGICO:

   UNOCA su metanan strategico ta 1)Democratisacion di Cultura: engrandece

participacion y accesibilidad, 2) Hiba un maneho cultural duradero cu ta consisti di entre otro formacion, educacion y elevacion di e nivel di nos producto cultural y 3) Stimula desaroyo di infrastructura cultural: percura pa desaroyo di e diferente terenonan cu e maneho di UNOCA ta abarca. (tangibel y intangibel)

   UNOCA ta traha, basa riba e marco pa estadisticanan cultural di UNESCO estableci na 2009, riba e siguiente platafornanan cultural: arte di tarima, teatro, herencia cultural, literatura, idioma, expresion audiovisual, film, video, documentario, arte visual, infrastructura cultural, documentacion, folklore, musica y diseño.

    KEN POR APLICA PA FONDO CULTURAL:

   Peticion por worde haci door di personanan huridico sin fin di lucro, sea un fundacion of asociacion cu ta traha y ta activo den e sectornan di enfoke di UNOCA y cualkier persona di 18 aña bay ariba, naci na Aruba of cu por demonstra cu ta biba mas cu tres aña na Aruba.

   Enfoke riba profecionalismo:

    Den comienso di 2016 directiva di UNOCA e establece procesonan interno cu ta enfoca riba entre otro un plan strategico, criterianan nobo pa e aplicacion di fondo cultura y un sistema administrativo pa procesa tur peticion, cu ta mas transparente y eficiente.

   Enfoke riba transpariencia:

   Pa por ta mas accesibel, transparente y pa por ofrece un miho servicio na comunidad di Aruba, na Februari 2016, UNOCA a introduci un website completamente nobo, www.unocaruba.org, unda tur persona interesa por haya informacion over di e proceso pa aplica pa fondo cultural. Riba e website ta haya desde Februari 2016 entre otro e criterionan, con UNOCA ta trata cada peticion, condicionan general, formulario di peticion y un checklist pa haci e proceso di aplicacion mas facil y sigura cu un peticion ta worde entrega completo y por worde procesa mas eficientemente. Adicionalmente riba e website por mira tambe tur fechanan fiho pa entrega un peticion pa fondo cultural y tambe fechanan exacto unda directiva ta reuni pa trata tur peticion. Ya caba por haya tur e fechanan fiho pa 2017, cuminsando cu e prome deadline cu ta dia 23 di Januari, 2017.

   PROYECTONAN COFINANCIA DEN 2016:

   Den 2016 UNOCA a cofinancia 57 proyecto cu a worde ehecuta den diferente districto di nos isla. Den 2016 tin un crecemento di 24% den proyectonan aproba compara cu aña 2015. Como parti di e proyectonan aproba den 2016 a ofrece 29 workshops habri pa comunidad den diferente plataforma artistico manera teatro, baile, diseño grafico, poesia, musica, moda, arte visual y historia di arte tanto pa mucha, hoben y adulto.

   Esaki cu e mision di crea participacion activo den arte y cultura di henter e comunidad di ARUBA. Den 2016 UNOCA a duna 3 artista local e oportunidad pa sigui curso den exterior pa forma nan talento den e area di arte performativo, musica y instalacionan di arte, como tambe teatro y arte manual, enfocando riba educacion di nos artistanan local y elevacion di e nivel y producto cultural di Aruba. Proyectonan cofinancia a genera 44 evento incluyendo presentacionan, festivalnan, shows y exposicionan cultural y artisico unda nos comunidad a haya e oportunidad di mustra nan talento y expresa nan mes artisticamente. Por mira un resumen di tur proyecto subsidia den 2016 y e diciplina artistico cu nan ta representa riba www.unocaruba.org. Pa mas informacion di e proyectonan aki por yama libremente na oficina di UNOCA. Adicional na proyectonan cofinancia, UNOCA a tuma e iniciativa pa organiza un workshop empresarial yama Creando un Futuro Creativo, unda profecionalnan den diferente ramo a comparti informacion balioso cu entrepreneurnan cultural.

2017

Den 2017 UNOCA lo sigui enfoca riba responsabilidad, inovacion, professionalismo, balans y colaboracion. Esencial den esaki ta pa continua democratisacion di nos fondo cultural cu enfoke riba entre otro, stimulacion di talento nobo y reconocimiento di experencia di nos baluartenan cultural.

UNOCA su portanan ta habri pa tur individuo interesa den participa activamente den e desaroyo di nos cultura.

   Directiva y personal di UNOCA kier a desea henter e comunidad di Aruba feliz dianan di fiesta y un prospero aña nobo. Tambe ta informa cu en conexion cu dianan festivo UNOCA lo ta sera desde 19 di December, 2016 te cu 3 di Januari 2017 y lo ta habri pa publico back dia 4 di Januari.

- Advertisement -

DUNA COMENTARIO

Please enter your comment!
Please enter your name here