Archivo di January, 2017

EDITORIAL: Aruba ta exigi seguridad y orden

Publication: Tuesday, 31 January 2017. Categoria: Editorial

Ultimo dianan ta ripara cuanto violencia sin sentido ta tuma lugar.  Un anciana di casi 100 aña a bira victima di asalto den su cas, un famia naTanki Leendert a bira victima di asalto den cas, y awe por lesa di un famia na Washington cu tambe ta victima di asalto y violencia sin sentido.

E cos aki ta ponebo pensa tocante: Kico tin cu haci cu esnan responsabel ora pone man riba nan?

Ki mensahe nos por manda y ki accion por tuma pa e barbaridad nan aki no sosode mas riba nos isla?

Muher y homber gara na aeropuerto relaciona cu atraconan riba joyeria

Publication: Tuesday, 31 January 2017. Categoria: Policial

ORANJESTAD(AAN):Autoridad formando parti di Atraco Team a trahando full swing pa asina logra gara e atracadornan cu ta plumando e joyerianan na Aruba. Den e caso aki tin dos joyeria ultimo tempo cu a wordo bishita pa hendenan arma. Nan ta drenta sin nada na cara y comete atraco. Cu nan ta drenta cara habri caba ta dunando indicacion cu no ta hendenan di Aruba.

Aviacion Civil di Aruba trahando riba ley pa proteha derecho di pasahero

Publication: Tuesday, 31 January 2017. Categoria: General

Edwin Kelly:

ORANJESTAD (AAN):  Por a tuma nota cu ultimo lunanan, pa no bisa un aña, tin basta dolor cu Insel Air cu su servicio. No tin choice, pasobra ta un aerolinea tin ta bula entre e islanan.

Aviacion Civil su rol den esaki ta door di traha un concepto di ley cual a worde haci caba. Ultimo dos añanan tabata bezig cu un concepto di ley, cual a bay directie wetgeving, cual ta canando su caminda pa dado momento worde aproba y implementa.

Dos homber cu arma a atraca famia den nan cas na Washington

Publication: Tuesday, 31 January 2017. Categoria: Policial

ORANJESTAD(AAN): Pueblo awor ta cuminza exigi mas seguridad!  No ta djis negoshinan ta bira victima di atraco, sino awor den ultimo dianan, ta habitantenan inocente ta haya nan involucra den asalto den nan hogar.

Diasabra tabatin atraco na Tanki Leendert riba un cas di famia.  No a haya placa eynan, pero a bay cu smartphones y varios prenda.

Ta busca paradero di Shandra Jurrien Milaska Vrolijk

Publication: Tuesday, 31 January 2017. Categoria: Policial

ORANJESTAD(AAN)– E mucha muher aki yama cariñosamente Shandra, naci dia 30 di september 2002 y awe tin 14 aña di edad, ta wordo busca.

E informe di polis no a menciona for di ki dia pero si ta menciona cu e tabata tin un discusion cu su docente relaciona cu presumiblemente el a wordo saca di scol. E scol cu e ta bishita ta EPB na Hato.

Shandra ta mas o menos 1 meter 60 di altura, color cla, cabey blond scur, largo y cu krul, su wowonan ta berde y e ta papia papiamento. E lo tin bisti un uniform polo ros di EPB y Jeans blauw.

Ta sr pidi na esun cu lo sa di su paradero pa tuma contacto cu polis mes ora.

Polis a logra detene Albert Maria

Publication: Tuesday, 31 January 2017. Categoria: Policial

ORANJESTAD (AAN): Cuerpo Policial Aruba a informa ayera, cu en coneccion cu e ordo di detencion di e sospechoso Albert Maria, e buskeda a cancela.

DIARIO a haya sa cu Polis a logra detene Albert Maria diasabra ultimo.

Albert R. Maria, naci na Aruba dia 11 di februari 1989 y biba na Duartestraat # 1, ta wordo sospecha di a viola articulonan 2:262, 1;119, 2;259 y articulo 3 di nos codigo penal. E acusacionnan tin di haber cu intento di homicidio y posesion di un arma di candela.

Desde Diasabra caba Daniel ta perdi

Publication: Tuesday, 31 January 2017. Categoria: Policial

Famianan ta en busca di su paradero

ORANJESTAD (AAN): Cuerpo Policial Aruba kier pidi cooperacion pa buskeda di un persona perdi for di Diasabra merdia.

Ta trata aki di Daniel Montoya Cambindo, naci dia 15 di Maart 1972 y tin 45 aña di edad.  E ta biba na Bilderdijkstraat 5, den e area poco pabao di Colegio Arubano na Playa.

Daniel tin estatura di 1.80 meter, cu postura delega, color di cuero bruin, y cabey ta preto, aunke su cabez ta pelon.  Su wowonan ta bruin scur, y e ta papia Papiamento y Spaño.

Entrante Diaranzon lo cuminza usa Containerscan nobo di Aduana

Publication: Tuesday, 31 January 2017. Categoria: General

ORANJESTAD (AAN): Departamento di Aduana ta continuamento inovando pa asina mehora servicionan na su clientenan. Pa es motibo entrante 1 di februari benidero Departamento di Aduana lo bay scan un parti di e containernan na e waf di Barcadera.

E containernan cu lo pasa e control via di e containerscan lo worde selecta door di Departamento di Aduana. Den caso cu e containerscanner encontra niun irregularidad, e cliente lo por bay cu su container na e destino pa e worde descarga sin tin necesidad di un control fysico. Esaki ta nifica cu e proceso pa saca container lo cana hopi mas liher pa e clientenan y comercio.

Vice Presidente di Raad van State di bishita cerca Gobernador

Publication: Tuesday, 31 January 2017. Categoria: General

ORANJESTAD (AAN): Gobernador di Aruba Sr. Alfonso Boekhoudt recientemente a ricibi bishita di Vice Presidente di Raad van State Sr. Mr. J.P.H Donner.

E bishita tabata pa sera conoci cu Gobernador nobo di Aruba. Raad van State ta un organo independiente di conseho legal y di maneho.

Buskeda di Emmanuel Frias a wordo cancela

Publication: Tuesday, 31 January 2017. Categoria: Policial

Dama mes a hiba y entrega su yiu na Cuerpo Policial

ORANJESTAD (AAN): Riba Dialuna, Cuerpo Policial a emiti un orden publico di detencion.  Nan ta buscando Emmanuel Antonio Frias, un homber di 31 aña di edad biba na Madiki, y conoci como “Chobo”.

E ordo ta como sospechoso di violacion di e siguiente articulonan: Artikel 2:262 jo. Art 1:119 c.q. art 2259 juncto art. 1:119 y art 3 Vuurwapen verordening.  Polis a bisa den nan boletin, cu nan ta haya e persona aki di ta “vuurwapen gevaarlijk.”

Mester formula un programa pa evita cu menornan di edad cay den Husticia

Publication: Tuesday, 31 January 2017. Categoria: General

Eddy Ras di POR, E Forsa Nobo

ORANJESTAD (AAN): Eddy Ras di POR ta duna di conoce cu den rapport anual di Ministerio Publico di 2014 tin informacion detaya, y por mira cifranan cu ta distingui entre “menornan di edad y mayornan di edad”, cu di un manera of otro a cay den man di husticia. Tambe e rapport ta specifica cuanto hende homber y hende muher a worde confronta cu husticia.

Fraccion di AVP a haya update riba construccion di hospital

Publication: Tuesday, 31 January 2017. Categoria: General

ORANJESTAD (AAN): Recientemente fraccion di AVP a bishita hospitaal pa haya informacion riba e construccion di nos hospitaal nobo.

Parlamentario Clarisca Velasquez a indica na DIARIO, cu nan a haya informacion di tur esnan envolvi den e construccion di e ampliacion y renobacion. E proyecto di ampliacion y renobacion ta den un fase bastante avansa.

Calidad den enseñanza mester ta di nivel superior

Publication: Tuesday, 31 January 2017. Categoria: General

Michelle Steenvoorde Lacle di POR

ORANJESTAD (AAN): Na momento di ta referi na un empresa exitoso, empresarionan semper por hustifica e regla primario cu ta sinta tras di e exito aki. Empleadonan!

Trahadornan den nan funcion, cu no solamente ta sinti nan como un parti importante di e empresa, pero alavez ta eherce nan trabao diario cu competencia y eficiencia.

Den organizacionnan “non profit” manera schoolnan, esaki no ta nada diferente. Maestronan den e caso aki lo kier ta sinti nan mes  aprecia y scucha.

MEP ta indica cu nan ta e alternativa nobo pa hubentud

Publication: Tuesday, 31 January 2017. Categoria: Politica

ORANJESTAD (AAN); Siman pasa e hobennan di Aruba a cambia e panorama politico un biaha mas, na momento cu nan a duna sosten masal na partido MEP.

Siman pasa partido MEP a lansa su hala hubenil HOT, bou di dirigencia di Lyonell Dirks. E evento cu a tuma lugar na Savaneta a kibra tur tur expectativa.

Oponentenan di partido MEP tabata sigur cu MEP tabata na soño, y cu MEP lo no por atrae hubentud.

Buscando un candela diripiente Polis a topa cu plantacion di marihuana

Publication: Tuesday, 31 January 2017. Categoria: Policial

ORANJESTAD (AAN): Autoridad a wordo dirigi na un adres na Primavera pa check un caso unda huma ta molestiando henter e bario.

Loke Polis a bin topa cune, ta mucho mas cu djis huma!

Durante cu Polis tabata buscando di e candela, polis tabata controla den curanan y topa cu e candela.