Parlamentario Jennifer Arends-Reyes papiando di cifranan concreto
ORANJESTAD (AAN): Segun sra Arends-Reyes den calidad di presidente di comision di Turismo, ta sumamente importante pa Parlamento ta na altura di tur desaroyo den Turismo.
Nos no mester lubida cu Turismo ta nos pilar economico cu mester keda stabiel. Prome cu e reunion di comision den Parlamento, fraccion di Mep a bisa cu nan tawatin otro compromiso y tabata ausente pa cu e reunion cu ATA. Na momento cu llama un reunion den Parlamento, si tin otro compromiso of no lo por manda sikiera un representante.
Durante e reunion di comision a presenta cifranan cu a sera aña cune y aunque Venezuela, cu ta nos segundo mercado a cai drasticamente toch a sa di logra cu e ingresonan di tourism receipt no a baha pero a sera cu un crecimento. E net results di ATA tambe a sera cu 4,8 miyon pa 2016 y a mustra cu e emergency fund tin 20 miyon Florin.
Pa 2017 ta sigui enfoca ariba calidad y no cantidad, hopi di e crecimentonan den region ta debi na volumen di turista y no calidad. Si compara e prijs di averahe di prijs di cambernan na Santo Domingo e ta mas o menos 97 usd compara cu Aruba cu ta na 179 usd. Hopi enfasis tambe a ser poni ariba e comparacion cu ta ser haci cu destinacionan manera Cuba of Santo Domingo siendo cu nan ta paisnan hopi mas grandi cu Aruba y cu ta expandiendo cu hopi camber di hotel. Aruba su inventario total di cambernan ta locual nan ta expande cu ne pa aña kiermen no lo por sigui compara Aruba cu otro destinacionan grandi. Aruba no por expande mas kiermen ta calidad mester bay mas halto y di bon e mester bira excelente pa nos por pidi mas pa nos destinacion sra Arends-Reyes ta termina bisando.
