Home General Aviacion Civil di Aruba trahando riba ley pa proteha derecho di pasahero

Aviacion Civil di Aruba trahando riba ley pa proteha derecho di pasahero

11
0
SHARE
- Advertisement -

Edwin Kelly:

ORANJESTAD (AAN):  Por a tuma nota cu ultimo lunanan, pa no bisa un aña, tin basta dolor cu Insel Air cu su servicio. No tin choice, pasobra ta un aerolinea tin ta bula entre e islanan.

Aviacion Civil su rol den esaki ta door di traha un concepto di ley cual a worde haci caba. Ultimo dos añanan tabata bezig cu un concepto di ley, cual a bay directie wetgeving, cual ta canando su caminda pa dado momento worde aproba y implementa.

Una bes cu e ley ta na vigor, ta duna Aviacion Civil pa actua ora cu por ehempel un aerolinea no take care di su pasaheronan. Ta un ley di proteccion di derecho di pasahero y ta encera por ehempel ora di un cancelacion of un retraso, e aerolinea mester percura pa su pasaheronan, segun proceduranan stipula den ley.

Edwin Kelly, di Aviacion Civil, a splica cu una bes cu e ley ta in place, tin e manera tambe pa actua mas duro por ehempel door di impone boet.

Interes pa bula ruta ABC

Kelly a splica cu tin un situacion awor aki cu ta realidad. Aviacion Civil ta open pa otro aerolineanan bula e ruta aki. Actualmente ta bezig cu algun aerolinea y ningun di nan ta den un fase cu pa e otro dos pa tres simannan pa cuminsa bula ainda, pero tin interes.

Cuanto por dura

Cuanto por dura ta depende di e gruponan mes, con lihe nan ta keda cla cu e proceso. Ta un proceso largo y serio, cu tin cu tuma tempo pa haci’e bon. E ta depende di nan, di nan experticio y di nan capital tambe, con bon prepara nan ta, con lihe nan lo keda cla.

Segun Edwin Kelly, Aviacion Civil no tin mucho diferencia cu otro autoridadnan. E exigencianan ta internacional. Aviacion ta un ramo, un disciplina hopi regula. Kiermen como compania mester tin proceduranan, mester tin tur hende entrena. Mester tin e manualnan na nan luga. Tin cu traha e business plan, demostra cu tin fondo necesario pa lanta un aerolinea. Ta hopi rekisito tin y ta rekeri hopi tempo tambe y esfuerso pa por cumpli cu e rekisitonan pa yega asina leu di por lanta un aerolinea.

E parti financiero ta hopi importante pasobra tin cu garantisa cu ora un aerolinea cuminsa, tin e fondonan necesario pa sigui opera pa un tempo largo. Den e caso aki, Tiara Air no por bin back. E ta den man di hues, segun compronde. No ta algo cu ta man den Aviacion Civil.

 

 

- Advertisement -

DUNA COMENTARIO

Please enter your comment!
Please enter your name here