Home Politica “Ban sigui cumpli cu e leynan como bon majordomo di nos naturaleza...

“Ban sigui cumpli cu e leynan como bon majordomo di nos naturaleza y medio ambiente”

2
0
SHARE
- Advertisement -

Donny Rasmijn:

ORANJESTAD   (AAN): Diahuebs a tuma lugar un conferencia di prensa di ‘Green’s Cool’, unda cu parlamentario di AVP Donny Rasmijn a hiba palabra.

Rasmijn a cuminza na gradici pueblo y comercio cu e acogida pa loke ta e ley nobo cu a wordo introduci, cu ta prohibi supermercado y tiendanan  duna  nan clientenan saconan di plastic.

“Nos por conta riba un acogida di 80% y esaki ta un resultado hopi positivo”.

“Nos ta spera cu pronto nos por yega na e 100%”, segun e parlamentario.

“Nos sa cu den e ley ta prohibi na cada cahero pa dunabo un saco di plastic y esaki a cay aparentemente un tiki como sorpresa, pasobra tin algun lugar cu a kere cu ainda despues di prome di Januari ainda nan lo tin 6 luna pa cumpli cu esaki”.

“Sinembargo for di aña pasa e ley a wordo aproba y mas di 6 luna pasa, unda cu a indica cu e ta bin na vigor desde prome di Januari”.

Esaki segun Rasmijn, kende a sigui bisa cu ta comprendible cu ainda tin lugarnan cu ta buscando alternativa.

“Cada biaha cu hasi un melding pa mustra cu un lugar no ta cumpli, e lugar ta wordo acerca of nan ta wordo yama, unda cu nan ta haya un splicacion”.

“Dependiendo di e acogida,  quizas no ta bay ta necesario pa polis of otro instancianan drenta den accion”, segun e parlamentario, kende a sigui bisa pa nos ban cumpli cu e leynan como bon majordomo di nos naturaleza y medio ambiente, pa proteha nos dushi Aruba.

 

 

 

 

 

- Advertisement -

DUNA COMENTARIO

Please enter your comment!
Please enter your name here