Home General Censo ta atende como 100 hende pa dia di proyecto Opschoning

Censo ta atende como 100 hende pa dia di proyecto Opschoning

1
0
SHARE
- Advertisement -

 ORANJESTAD(AAN): Anoushka Cadeau liderando e proyecto di opschoning di Censo, durante entrevista a splica cu awor aki ta ricibiendo averahe di 100 hende cu ta bin registra pa dia. Te cu awor aki tin mas of menos 1100 y pico persona cu a bin registra realmente, cu a bin personalmente. Esaki ta un bon cantidad pa e cinco pa seis simannan cu ta bezig den e parti di registracion.

E hendenan ta reaccionando y ta biniendo. Tin hende no ta compronde e carta mucho bon. Biniendo pa registra, ta laga sa cu e persona tey realmente na Aruba y cu ta biba na e adres concerni.

Aworaki ta sacando carta cu invitacion riba un dia specifico y un timeframe. Por ehempel ta bisa hende bin riba diaranzon, entre 9’or di mainta y 12’or di merdia. Ta purba di dirigi esaki un tiki pa controla e fluho. Si lag’e habri pa e hendenan bin na e momento cu ta miho pa nan, pa registracion ta bira dificil si haya cu reynan largo y oranan di espera mucho largo y esey kier evita.

E manera forma cu ta haciendo esaki, e hendenan no ta sinta ta warda mas cu 45 minuut. Esey ta hopi mes. Pa mey ora mas tanto un hende ta sinta pa warda su beurt. E ta bay bastante lihe y ta percura pa atende tur hende corectamente y si tin pregunta lo responde esey.

Ta purba mas lihe posibel tur atende tur hende, pasobra e orario tambe ta den oranan di trabao, caminda cu hendenan ta busca un chens pa core pasa y regla esaki tambe. E ta bayendo hopi bon y e hendenan ta haya un fecha.

Pregunta cu nan ta haya hopi ta cu no por meet e ora y e dia den e carta. E ora ta bin riba un di e otro dianan cu ta diamars, diaranzon y diahuebs. Ta enfatisa esaki pasobra tin compronde cu hendenan ta bin riba dialuna y diabierna y ta haya e oficina cera.

E oficina particular di registracion aki ta habri riba diamars, diaranson y diahuebs, entre 9’or di mainta y 3’or di atardi y no ta cera merdia.

- Advertisement -

DUNA COMENTARIO

Please enter your comment!
Please enter your name here