Comerciantenan riba waf chikito ta pasa den duro pa bende nan cosnan

Publication: Wednesday, 11 January 2017. Categoria: General

ORANJESTAD(AAN): Nos a combersa cu sr. Ady Saladin kende tambe ta doño di un di e kiosconan di waf chikito y tin di compronde cu nan tin preocupacion. Barconan ta bin yen, pero hendenan no ta laga masha atras.

Nan tabata tin otro experiencia den pasado. El a splica cu berdaderamente ta drentando barconan grandi cu basta turista aden. E preocupacion ta cu no ta pa nada, pero e turista Europeo basicamente no ta gasta casi nada. No sa si Aruba ta e first port of e di dos puerto, pero tin e experiencia caba cu e turista Europeo no ta gasta. Por ehempel, manera e Mericano, e Canades, e Latino Americano cu ta un di e mihonan, Centro Americano, si haya sikiera un of dos barco pa siman den e high season di e turista Latino Americano cu Centro Americano, ta sigur cu tur den centro lo ta hopi mas contento.

Nan tabata miho experiencia cu otro barconan, manera menciona. Saladin a splica cu nan ta gasta manera locual cu nan ta keda conforme cun’e. Pero sinceramente ultimo tres pa cuater lunanan cu e turistanan Europeo, nan no ta cumpra. Por mira cuanto hende tin. Por paga atencion, e hendenan cu ta subi man bashi, baha man bashi. No ta nada. Ni sikiera un koffie den nan man ta mira pa nan bebe. Semper cada un di e comerciantenan a bisa cu supone cu tin tres barco anto tin seis pa shete mil turista. E ora ohala si cada un gasta un dollar cada un, tur hende ta keda conforme. Tur ta bisa danki na Dios a bende algo. Pero sinceramente, segun Saladin, e trend cu nan tin aden cu e sorto di turistanan aki no ta bon. E ta duro pa sobrevivi. Fuera di esey, solo ta sali pa tur, pero tin demasiado competencia, hopi kiosco, hopi souvenir. Esey tambe ta un parti cu mester wak e bolo bira hopi mas chikito. Esnan cu tin hopi aña na waf chikito compara cu e nobonan cu a yega, nan ta mustra manera tribon cu ta come tur e sardinnan. Ta laga casi nada pa nan. E prijs cu nan ta pone ta hopi mas barata cu nan mes. Esey ta hopi di nan no ta compronde te awo. Con e ta, si nan ta buske directamente for di China, pasobra nan ta cumpre di e hendenan na Aruba mes. Esunnan cu ta bende por mayor.

Mensahe na Gobierno

Unico cos cu Saladin a bisa ta cu ohala cu por mira adelanta wak si por haya mas tanto hendenan Centro Americano, Mericano y Latino Americano. E cruceronan cu ta biniendo, mas tanto cu ta gasta ta Carnival Cruises y Pullmantur. Pullmantur ta hopi bin cu ta bin via di Panama. Esey tabata e miho cu nan tabata tin. Kico a pasa cu el a stop di bin no ta compronde y no sa. Por ta pa cualkier motibo.

Tin dia cu nan no ta bende nada. Hopi biaha ora cu no tin barco, cu cos ta hopi slow, hendenan di pabao no ta bin, casi nan no ta hayando turista di hotel.

E ta hopi duro, Saladin a bisa. Tin dia ta keda wak otro so y esey ta tur, nada otro, el a finalisa.

Leave a Reply