Home General Den reino nos mester biba, traha, tuma decision y carga responsabilidad hunto

Den reino nos mester biba, traha, tuma decision y carga responsabilidad hunto

1
0
SHARE
- Advertisement -

Parlamentario Ady Thijsen:

 ORANJESTAD     (AAN):  Parlamentario Ady Thijsen a emiti un comunicado di prensa unda e ta indica cu actualmente ta tumando luga na nos hermana isla Corsow, e reunionnan entre parlamentarionan di Reino y IPKO. Pa Partido MEP, Parlamentarionan Ady Thijsen, Chris Romero y Guillfred Besaril ta atende e reunionnan importante aki.

Nos ta tratando temanan di cooperacion mutuo entre otro riba tereno di famia y hobennan, enseñanza, salubridad. E situacion na Venezuela tambe ta riba agenda. Parlamentario Ady Thijsen ta elabora un tiki riba nan participacion den e encuentro aki.

“Den reunion di Tripartite cu a tuma luga dialuna 9 di januari, nos fraccion a trece entre otro lo siguiente dilanti.

Despues cu sr. Daniel Corsen jr a duna un presentacion di plataforma nacional pa desaroyo hubenil na Corsow, mi persona a trece dilanti cu na Aruba tambe nos tin mesun problemanan bao di hobennan cu ta wordo treci dilanti, cual ta problema cu salud, drop out di scol, desempleo, pobreza y criminalidad bao di hubentud.

Partido MEP ta kere den un acercamento positivo y crea posibilidadnan y oportunidadnan pa nos hobennan. Duna nan participacion real. No solamente nos mester papia di e hobennan pero mas importante ta pa papia cu nan. Mester bin un plan integral unda tur “actoren” mester duna nan cooperacion y sosten. Vooral e lidernan politico mester asumi nan responsabilidad den e plan aki.

Nos fraccion ta di acuerdo tambe y lo traha riba un plan asina na unda nos hobennan lo haya mas atencion riba tur aspecto durante nan desaroyo.

Loque ta trata e “geschillenregeling” nos ta riba un liña pa entrega tambe nos concepto di “rijkswet” hunto cu Corsow y St Maarten na tweede kamer via nos Minister Plenipotenciario. Esaki lo wordo entrega hunto cu e concepto di Minister Plasterk di Koninkrijkrelaties.

Nos ta kere fielmente cu nos por logra di es manera aki laga e proceso cuminsa y yega na un geschillenregeling cu lo trata conflictonan den reino den un manera mas husto y duna mas contenido na e palabra “gelijkwaardigheid”.

Asina tambe nos ta minimalisa e deficit democratico cu ta existi den Reino.

Nos participacion na e reunionnan aki hunto cu demas representantenan den Reino ta di sumo importancia pa asina nos por eherce nos trabou na un nivel mas halto di cooperacion entre a paisnan di Reino. Den e siguiente dianan lo sigui relatonan mas amplio riba e desaroyo di e reunionnan na Corsow, Parlamentario Ady Thijsen ta termina ta bisa.

- Advertisement -

DUNA COMENTARIO

Please enter your comment!
Please enter your name here