Home Politica E Forsa Nobo ta boga pa inverti e 300 miyon di Ringweg...

E Forsa Nobo ta boga pa inverti e 300 miyon di Ringweg mihor den enseñansa

2
0
SHARE
- Advertisement -

ORANJESTAD (AAN): Segun Partido POR, inversion di 300 miyon den nos ringweg no ta un prioridad. E propio Minister encarga cu educacion a saca un relato siman pasa caminda cu e ta bisa cu mester un inversion di 250 miyon Florin pa por drecha schoolnan, pa por pone programanan cu maestronan por recapacita nan mes, cu maestronan por ta mas incentiva pa nan por ta mas motiva pa e parti di infrastructura y material di les.

Otmar Oduber lider di e plataforma POR, E Forsa Nobo ta cuestiona gobierno su prioridad: “Con bo prioridad por ta pa bay haci un proyecto cu no ta locual cu e comunidad tin mester di dje na e momentonan aki? Pero cu educacion cu ta asina importante pa nos hubentud cu lo mester guia e Pais den futuro, no ta haya fondo.

Prioridadnan ta robez, educacion, futuro di nos muchanan mester ta un di e prioridadnan mas halto. Expansion di careteranan ta algo cu mester tum lugar, pero  scuchando declaracionnan di e propio minister di educacion no por compronde con Gobierno di Sr. Eman por sigui inverti den un ringweg en bes di destina e fondonan pa loke realmente ta necesario y urgente. Esaki tabata un otro punto di preocupacion grandi di Otmar Oduber na 2016 y cu a conduci finalmente na entrega di su retiro na november pasa.

Segun Sr. Oduber lo bay enfoca pronto den forma grandi riba e tema aki. Ta alerta y ta pidi comunidad pa ta critico riba e aspecto di proyectonan grandi cu ta tuma lugar lubidando e prioridad di comunidad.

- Advertisement -

DUNA COMENTARIO

Please enter your comment!
Please enter your name here