Fundacion Rosea Cultural cu proyectonan educativo, cultural y social den bario

Publication: Saturday, 14 January 2017. Categoria: Cultura

ORANJESTAD(AAN)— Fundacion Rosea Cultural ta traha desde aῇa 2000 na e bienestar general pa e comunidad di Aruba cu enfoke ariba e grupo meta:  mucha, hoben y adulto.  Cu un trayectoria rico dedica na  cada grupo den comunidad,  cultura, historia, balornan, inspiracionnan y creatividad a briya desde 2000-2016.

E trabounan ta refleha den e diferente actividadnan interactivo, cursonan, weganan, festivalnan, baile, arte, exposicion y programanan cultural dirigi ariba e mucha, hoben y adulto.  Cu placer ta contribui na sirbi e categoria di grupo cu enfoke ariba aspectonan civico, social, cultural y comunitario segun propio conocemento, experencia y inspiracion cu tur respet.

E base di nos trabou ta ancra riba e mision di Fundacion Rosea Cultural pa ofrece diferente grupo den comunidad e oferta pa participa, comparti idea, crea, convivi y conecta cu otro cu ta sosode den forma di encuentro via programa y cursonan tematico cultural  y social.

Un meta hopi special ta pa mobilisa e grupo den bon ambiente amicabel  pa experencia  inspiracion y creatividad di otro y como resultado realisa trabou colectivo.

Fundacion Rosea Cultural ta enfoka ariba diferente cursonan tematico social y cultural origina for di e historia di Aruba cu e esencia pa mantene nos fuente di  identidad bibo y original.

Fundacion Rosea Cultural ta duna un toke personal na su forma di traha y ta pone enfasis  riba e idioma Papiamento door di propaganda esaki den comunidad pa medio di e expresionnan cultural y artistico. (poesia, conta cuenta, wega di palabra, teatro, musica pa baile etc.)

Durante henter aῇa ta duna atencion na actividadnan cultural den diferente bario,  paradanan carnavalesco, Himno y bandera y paradanan cultural den bario, tambe  paradanan intercultural, Seu  di Corsou y  Simadan di Boneiro.

Fundacion Rosea Cultural su compromiso cu e comunidad ta pa sigura cu su trabou ta alcansa necesidadnan di e muchanan, hobennan y tambe e grupo di adulto.

Na e mes momento e confiansa pa sigi traha cu organisacionnan local cu tambe tin e mesun meta pa bienestar y progreso di nos comunidad.

Miembronan di Fundacion Rosea Cultural lo sigi facilita actividadnan na un manera amical cultural cu lo sigi atrae chikito y grandi  pa discubri, conoce, aprecia propio inspiracion y creatividad.                     Tambe aprecia e forma di traha cu otro,  e creatividad y logro di resultado di trabou den grupo.               Di e forma aki cumpli cu nos  vision, logra proyecto y programanan cultural, recreativo y social na bienestar di e comunidad engeneral.                                                                                                                                                           Di e manera aki lo sigi traha na bienestar di norma y balornan, tempo pa discusion sano y duna balor na nos tradicion, cultura y custumbernan cu ta e fundeshi di nos identidad cu ta e realidad di nos existencia.

Como Director di Fundacion Rosea Cultural cu ta traha na bienestar di educacion humanitario, cultura, teatro, recreacion y arte den nos comunidad, mi persona,  Madelene Kelly  ta desea pueblo di Aruba un bon entrada di aῇa 2017 yena cu amor, positivismo  y bendicion.

Leave a Reply