Gasolin ta subi awe cu casi 14 cent

Publication: Wednesday, 11 January 2017. Categoria: General

ORANJESTAD (AAN): E pronostico di DIARIO a resulta di ta basta preciso e biaha aki.   A calcula cu prijs di gasolin lo subi entre 8 y 14 cent pa liter.

Diamars mainta laat, Minister di Asuntonan Economico, Comunicacion, Energia y Ambiental a informa e prijs nobo.  Gasolin Unleaded lo subi cu 13.6 cent pa liter.

Gobierno a mustra cu a surgi un cambio den prijs di productonan petrolero entrante 11 di januari 2017. E prijs di benta pa comercio por menor ta como lo siguiente:
Gasoline unleaded-premium ta bay bira awor 179,4 cent pa liter, cu ta un aumento di +13.6 cent.

Diesel ULS ta bay bira awor 148,4 cent pa liter, cu ta un aumento di 9,9 cent.

Kerosine ta bay bira awor 133,1 cent pa liter cu ta un aumento di 8,5 cent.

E prijsnan ariba menciona, ta inclui BBO/BAZV

Leave a Reply