Home Politica Gobierno di AVP nunca a presenta vision pa desaroyo di Oranjestad

Gobierno di AVP nunca a presenta vision pa desaroyo di Oranjestad

3
0
SHARE
- Advertisement -

Benny Nisbet di PPA:

ORANJESTAD(AAN)—Segun comunicado di sr. Benny Nisbet di PPA, den tur caso, tur e inversion di gobierno den ‘Oranjestad nos capital’ e locual a desea di mira, esta un movicion di henter contento bishitando nos capital tanto local como bishitante no a tuma lugar. Manera PPA ta menciona  hopi ciudadano no ta bishita Oranjestad y esnan cu bishitele  ta hasi esaki den un pura di otro mundo…nan kier sali for di Oranjestad pa kaba   e pensamento di  nan auto geklem ta enforsa e pensamento aki.

Awor cu aña 2017 a habri …PPA ta exigi pa gab Mike Eman (AVP) tuma e siguiente decisionnan:

Esaki como soluccion pa e epoca ‘scur’ di  ‘Oranjestad nos capital’.

Ta ELIMINA e tarea di Aru-parking inmediatamente !

Cu esaki ta prohibi e uso di ‘klem’ den cualkier forma riba e isla di Aruba !! Ta prohibi pa e tarea di Aru-parking por bai pa cualkier otro sitio riba nos Isla. Un punto final na e capitulo scur aki !!

Ta introduci un tarea positivo pa  Aru-parking esta un ‘Aru-guide & Information Service’ pa yuda nos pueblo como nos bishitante cu informacion durante e bishita pa Oranjestad.  E personal cu antes ta pone boet y klem lo mester haya un adaptacion di nan tarea den ‘historia’ di Aruba y naturalmente e historia y desaroyo di Oranjestad  pa nan por duna e informacion na pueblo y bishitante.

Gobierno lo mester duna D.O.W e  instruccion pa inmediatamente crea  un plan pa un ‘plaza’ na final di Caya G.F. Croes net p’ariba di x Niki Habibe…un plaza cultural na unda lo bende souvenir, arte, cultura y presente nos folklore den tur su faceta.  Esaki pa hasciele atractivo pa turista baha na final di caya tambe !!(anotacion…..tuma un ehempel  di con un ambiente positivo tin rond di  ‘djiespi’s diabierna atardi).

Na mes momento gobierno en cooperacion cu Mambo lo mester presenta un plan di mercadeo pa e ‘centro di Oranjestad’ na tur instancia envolvi den e ‘mercadeo y sales’ di Aruba como destinacion turistico y e linea di barco turistico cu ta sirbi nos pais !!

Gobierno di AVP  lo mester realisa cu nan NO a presenta nunca  ningun vision di con e gobierno Eman ta mira desaroyo di Oranjestad y como tal maske ta hopi laat gab Mike Eman (AVP) mester presenta un ‘vision’ pa desaroyo di Oranjestad y den cual parti di Oranjestad gobierno lo prefera di mira cierto desaroyo p.e. commercial, turistico y financiero.  Gobierno lo por ofrece un pakete di incentivo fiscal tambe pa logra e vision aki ! Como tal Consejo di Ministro lo mester tuma un decision pa un comision di gobierno, MAMBO y/of otro instancia comercial pa traha un vision asina …pa yena e vacio awor cu gobierno di AVP a faya barbaramente casi ocho aña largo.

Esaki ta un par di idea di PPA cu lo por contribui na un solucion pa ‘Oranjestad nos capital’ e Centro di Oranjestad y nos Caya grandi commercial/turistico pa nos lubida nos mundo financiero !! Nos pueblo mester realisa e importancia di ‘Oranjestad como nos capital’ pa nos Isla, nos pueblo pero mas ainda como un destinacion turistico den Caribe. Pesey PPA tin nos vision pa inverti den un vision/proyecto  di un Aruba World Trade Center  pa expande y acentua e ‘rol’ cu Oranjestad nos capital ta hunga den nos economia arubano. PPA lo bin bek riba esaki den futuro.

- Advertisement -

DUNA COMENTARIO

Please enter your comment!
Please enter your name here