Home General Minister Paul Croes ta aumenta control di ley laboral den sector Horeca

Minister Paul Croes ta aumenta control di ley laboral den sector Horeca

4
0
SHARE
- Advertisement -

ORANJESTAD  (AAN) – Minister Paul Croes a anuncia  cu lo aumenta control riba e sector di Hotel, Restaurants y Cafe’s pa locual ta cumplimento di nos leynan laboral. Ta trata di un control riba salario, contrato, dianan di vakantie y varios otro aspecto di nos leynan laboral cu mester cumpli cu nan. Tambe Minister Paul Croes a tuma e decision di reenforsa e control hunto cu otro instancianan di Gobierno riba e ilegalidad di personal den e sector.

“Nos comunidad lo nota presencia di nos inspectornan den e sector menciona pa asina garantisa cumplimento di nos leynan laboral y tambe leynan di admision y estadia. E decision aki ta basa riba varios critica y preocupacion cu ta reina bou di trahadornan di e sector di horeca. Mi kier garantisa cada trahador cu nan derechonan mester wordo respeta”, asina Minister di Labor drs. Paul Croes a mustra.

Departamento di labor cu su departamento di Inspeccion ta encarga cu e sondeo y control aki. Minister Paul Croes a tuma contacto cu e hefe di e departamento aki pa asina motiva e decision aki na bienestar di e trahadornan den e sector.

“Nos tin leynan laboral cu ta brinda derechonan na trahadornan den tur sector y mi tarea como Minister di Labor ta percura pa e cumplimento di esakinan”, Minister Paul Croes a agrega.

- Advertisement -

DUNA COMENTARIO

Please enter your comment!
Please enter your name here