Home Policial Muher y homber gara na aeropuerto relaciona cu atraconan riba joyeria

Muher y homber gara na aeropuerto relaciona cu atraconan riba joyeria

79
0
SHARE
- Advertisement -

ORANJESTAD(AAN):Autoridad formando parti di Atraco Team a trahando full swing pa asina logra gara e atracadornan cu ta plumando e joyerianan na Aruba. Den e caso aki tin dos joyeria ultimo tempo cu a wordo bishita pa hendenan arma. Nan ta drenta sin nada na cara y comete atraco. Cu nan ta drenta cara habri caba ta dunando indicacion cu no ta hendenan di Aruba.

Na Airport e prome detencionnan a cuminsa cay. A base di tipnan cu ta drenta a sigui traha duro y finalmente gara un muhe, un homber cu tabata saliendo pa Venezuela. Esaki ta algun dia pasa. A cubri e caso aki pero a trata di wanta un rato.

Awor aki e ta hopi mas leu cu por cuminsa anuncia algun informacion. E dianan aki e hefenan Policial cu Atraco Team lo cuminsa duna prensa algun informacion. Na Airport a confisca masha hopi ekipahe cu tabata saliendo hunto cu esnan deteni na salida di Airport.

E sospecho tabata semper riba un grupo Venezolano pero dimes hopi biaha sa tin hende local cu ta facilita e hendenan aki cierto lugar pa acomoda nan mes. E dos localidad bishita ta GEM Stones y La Estrella.

Den e caso di Gem Stones a logra bay cu 300 mil dollar na Joyas y na La Estrella na Certified a bay cu 300 mil florin na prenda. E detencionnan sigur tin di haber cu La Estrella pero ta analizando si tambe esaki por tin di haber cu GEM Stones Directamente.

 

- Advertisement -

DUNA COMENTARIO

Please enter your comment!
Please enter your name here