Obispo a manda carta cu cinco punto pa no sigui haci publicidad di e aparicionnan

Publication: Wednesday, 11 January 2017. Categoria: General

Caso di Koyari

ORANJESTAD(AAN): Manera cu Obispo a manda carta despues di un comision special cu a worde manda na varios biaha Aruba pa bay Koyari, tambe haci preguntanan na e visionario señora Valerie Perez y tambe algun hende, a haci un rapport na obispo y a manda den e ultimo aki dia 20 di November, fiesta di Cristo Rey, un carta na señora Valerie tambe.

Segun Pastoor Rey di Santa Cruz y vicario episcopal despues pa henter e pueblo di Aruba, ta bisa cu for di 1998 te cu presente, comunidad catolico di Aruba, a tende di aparicionnan y mensahenan di La Birgen Maria na Valerie Perez, cu na principio tabata biba na Modanza. E supuesto aparicionnan, compaña di prediccion di fenomenonan natural a lanta preguntanan den comunidad di Aruba y sembra confusion y duda, hasta a causa miedo den pueblo y specialmente riba temanan di fe.

Sinembargo algun fiel a sinti deseo pa bishita e luga regularmente pa participa na actividadnan promovi pa Valerie y su grupo The Voice of Jesus y asisti na e supuesto aparicionnan tur dia 25 di cada luna ora e dicho aparicionnan ta tuma luga. Esakinan ta e prome palabranan cu den catecismo ta bisa nos. Tambe tanto e website di The Voice of Jesus y despues ta bisa aki cu ta deber y obligacion di cada obispo di iglesia pa trece na tur fiel di e pastoral yudansa pa e fe no keda afecta pa supuesto aparicionnan, e mensahe, enseñansanan cu ta contra na e fe di Iglesia Catolico. Ta pesey como obispo, ta recomenda despues di un dialogo y evaluacion realisa den union cu clero cu representantenan y fielnan di Aruba tocante e fenomeno aki lo siguiente:

Como por duna credibilidad na e asina yama aparicion y visionnan cu supuestamente ta tuma luga tur dia 25 di cada luna atardi manera ta reporta pa señora Valerie Perez y e grupo di Voice of Jesus cu ta afirma cu La Virgen Maria ta yam’e y ta papia cun’e.

Di dos punto ta cu ta kere cu esun cu ricibi e experiencia aki a bira mas y mas conciente di su identidad como miembro di iglesia, mas conciente di e realidad di loke e fe cu Iglesia Catolico ta siña. Ta constata cu Valerie y su siguidonan, formando nan mesun Iglesia, a crea y promove nan propio actividadnan religioso sin cu conocemento y aprobacion di autoridadnan legitimo di iglesia.

Di tres punto. Tambe obispo ta bisa, cu e mensahenan y cierto spiertamento profesianan cu ta bin di Koyari no ta cuadra cu e enseñansa di iglesia Catolico y ta kita autoridad di obispo y ta pone duda den mente di e fielnan.

Di cuater punto. Den e ultimo añanan den e kapel di Koyari a desaroya un programa paralelo di celebracion siguiente e fiestana liturgico di iglesia pa medio di nobena y celebridadnan sin permiso y e presencia di pastoor di parokia.

Di cinco. Pa motibo di e bienestar spiritual di nos fielnan catolico ta pidi pa nan abstene di participa na e bendementonan y actividadnan aki, unda e grupo The Voice of Jesus di no sigui haci publicidad riba e supuesto aparicionnan aki.

Leave a Reply