Home Policial Polis a likida cacho cu a morde doño a Sabana Basora

Polis a likida cacho cu a morde doño a Sabana Basora

4
0
SHARE
- Advertisement -

Diadomingo

ORANJESTAD   (AAN): Diadomingo merdia e polisnan a wordo pidi pa presenta na e cas na Sabana Basora. Esaki ta e mesun adres cu diabierna e cacho a morde su doño den oranan di mainta.

Loke a pasa Diabierna, ta cu ora e señora doño a bay duna e cacho cuminda, e cacho a atake. El a morde na forma mahos tras di cabez di e dama, di tal forma cu mester a hibe hospital den ambulance. Pa cuminsa e no tabata facil pa personal di ambulance drenta e cura di cas, y nan a pidi refuerzo di Polis pa subi e tereno.  E cacho e ora ey a core huy den mondi.

Diabierna mes, e dama a pidi Polis pa ‘likida’ su cacho.  Algun hende tin e pensamento cu unavez un cacho purba ‘sanger’ cu e lo sigui ataca hende.  Pero esey ta djis un mito.

Diadomingo e cacho a bolbe cas despues di disparce den mondi den cercania di e cas. E doño a duna ok pa likida su cacho. Un conocir di e cas ainda a logra tene e cacho diadomingo. Asina mes e decision a wordo tuma pa e doño cu ta mihor mata e cacho.

Polisnan a prepara y cu autorizacion di nan superiornan, nan nan saca e arma largo a los tiro dirigi riba e cacho su curazon y bente abao mesora. E señora cu ta biba su so na cas, awor por keda mas trankil despues di wordo ataca pa su cacho cu tabata hopi tempo mara bao di mata.

Riba Social Media, DIARIO a tuma nota cu hopi hende no a keda contento cu e decision aki.  Nan ta lamenta cu e cacho a wordo mata, y nan ta kere fielmente cu ta e doño a haci algo contra e cacho cu a pone reacciona di tal forma.

- Advertisement -

DUNA COMENTARIO

Please enter your comment!
Please enter your name here