Home Politica Te ainda no tin ningun ley pa impedi pago ora un Parlamentario...

Te ainda no tin ningun ley pa impedi pago ora un Parlamentario no show-up na Staten

0
0
SHARE
- Advertisement -

ORANJESTAD (AAN): Den un entrevista cu presidente di Parlamento, drs. Mervin Wyatt-Ras el a trece padilanti cu den e dianan aki no tin reunionnan publico pa trata leynan. Pa loke ta trata e ley di crèche ta hacienda diferente bishita pa haya informacion y pa asina trata e ley na un forma responsable.

Mientrastanto diferente comision ta reuniendo den Parlamento tratando diferente issue. Alavez Presidente mes ta reuniendo cu lidernan di fraccion den comision di Asuntonan Domestico tratando diferente cambio pa mihor funcionamento, entre otro con pa sostene trabao di parlamentarionan, reglanan pa cu viahenan di trabao y lo trata alavez codigo di comportacion di parlamentarionan pa despues por trata cambionan proponi den reglement di orde.

Ora cu e cambionan aki lo ser trata den reunion di Comision Central nan lo ser anuncia mas den profundo.

Tambe ta atendiendo cu e aspecto di digitalisacion den e comision di optimalisacion di funcionamento di Parlamento cual Wyatt-Ras ta presidi. Wyatt-Ras ta indica finalmente di ta spera cu leynan cu lo mester ser trata promer cu reces di juli-augustus lo mester drenta Parlamento pronto. Esaki en bista di e aña di eleccion.

Riba e pregunta si Parlamentarionan ta bin reunion Wyatt-Ras a contesta cu pueblo ta paga pa nos como Parlamentario representa nan y ta spera di nos tey na trabao manera tur otro trahado. Den e dianan aki cu no tin reunion publico por wak cu cierto miembro di Parlamento no ta ni presenta na trabao. Ora cu ta trata leynan mes, manera por ehempel na fin di aña a critica paso cu tin miembronan di oposicion a tuma vakantie y no a acudi na reunion.

Di oposicion tabatin 2 pa 4 miembro presente. Ta lamentable cu no tin ningun ley cu por impedi pago ora no traha, sinembargo ta cada ken mester por ta conciente cu nan tin cu traha pa por cobra, segun e presidente di Parlamento ta indica.

 

- Advertisement -

DUNA COMENTARIO

Please enter your comment!
Please enter your name here