Turista a bay snorkel y no tabata reacciona

Publication: Wednesday, 11 January 2017. Categoria: Policial

ORANJESTAD     (AAN):  Dialuna mainta na Palm Island un grupo di turista a bay snorkel den e lama banda pazuid di e isla. E personal atento di Palm Island a tuma nota di un señora cu no tabata moviendo mes y tabata drief y a drenta accion pa bay wak si e ta bon.

A tuma nota cu e curpa no ta move y e señora no tabata reacciona. Mesora a mobiliza  pa saca e señora di lama y cuminsa cu reanimacion. Debi cu e personal di Palm Island ta entrena pa e nivel basico pa cu yudansa a avisa ambulance unda ambulance a presenta basta lihe hunto cu polis.

Aki paramediconan a subi den boto bay ariba e isla y haya e personal den practica di CPR y a sigui cu e reanimacion.

A logra haya pulso cu a pone cu e paramedico a sigui cu su practica y bay over pa bay cu e pashent den boto bek pa tera. A transporta e turista pa hospital cu urgencia pa atencion medico avansa. Ta trata di un señora den careda di 65 aña.

Leave a Reply