Turistanan awor ta cuminza keha con cada rato ta hisa ‘owner fees’

Publication: Wednesday, 11 January 2017. Categoria: General

Problema den Timeshare

ORANJESTAD (AAN): For di comentarionan circulando na comienzo di e aña aki, DIARIO a tuma nota cu tin hopi turista cu ta doño di Timeshare na Aruba no ta di acuerdo con cobranzanan anual di ‘owner fees’ ta escalando mas y mas.

Ta asina cu mayoria vez ora bo cumpra Timeshare na un Resort na Aruba, cu e camber ey ta di bo pa resto di bo bida pa e siman ey.  Pero bo mester paga tur aña loke nan ta yama “Maintenance Fee” of tambe “Owner Fee”.

Na un di e Resortnan na Aruba, hopi doño di Timeshare a bin ta reclamando con cada aña e cobranza aki ta sigui subi, y subi.

Aparentemente na un di e Resortnan local, e reclamo di e doñonan tabata asina hopi, te cu ultimo aña pa prome biaha nan a conoce e aumento menos grandi den hopi aña.

Awor cu esey ta for di mesa, e doñonan di Timeshare a cuminza mustra nan malcontento cu demas aumento inaceptable di tarifa na Resortnan di Aruba.  Uno di nan ta e prijs nobo cu e aña aki a cuminza cobra e mesun doñonan aki di Timeshare, si acaso nan kier ‘huur’ un palapa na beach pa henter dia.

Leave a Reply