Capitan deteni pasobra el a purba drenta cu tripulante ilegal

Publication: Friday, 17 February 2017. Categoria: Policial

ORANJESTAD(AAN): Kustwacht y Maritiem Politie den oranan di marduga a topa cu un Barco di Fruta riba lama, y durante e control a conta un total di 13 tripulante. Esaki ta basta hopi compara cu normal. Di e 13 tripulantenan, uno no tabata tin documento.

Esey tabata suficiente motibo pa e keda deteni. E personal di Kustwacht y Polis Maritimo a compaña e boto te na waf di Barcadera. Eynan a detene e capitan tambe pa “Traficacion di Hende”. 

Probablemente e persona aki tabata cla pa bula na awa banda di entrada di waf na Barcadera y yega tera.  capitan ta keda deteni pa worde interoga.

Mirando e incumplimemto, a pone cu e boto no por a keda Aruba. A debolbe e barco cu tur e otro hendenan abordo y nan mercancia cu ta gran parti fruta.

Leave a Reply