Caso contra trio Hulandes cu a transporta mas cu 14 kilo di cocaine posponi atrobe

Publication: Friday, 17 February 2017. Categoria: Judicial

ORANJESTAD (AAN): Diahuebs un biaha mas Hues mester a pospone e caso contra e trio muher Hulandes W.V., R. K. y S.O., kendenan ta worde sospecha di a transporta mas cu 14 kilo di cocaine.

Manera DIARIO a publica, ayera mainta e trio aki mester a presenta atrobe dilanti Hues pa sigui cu e caso di transportacion di mas cu 14 kilo di cocaine cu ta sospecha nan dje.

Na December 2016 a pospone e caso na momento cu un di e sospechosonan, R.K. a mustra Hues cu contrario na loke S.O. ta bisa cu e no sa, e tin prueba cu S.O. tabata sa di e transporte. S.O. na su turno a bisa cu tur e cos aki ta un set up contra dje. Esey a haci cu Hues a dicidi di laga autoridad na Hulanda scucha dos testigo.

TRANSPORTA MAS CU 14 KILO DI COCAINA:

Na December 2016, Fiscal a acusa e trio Hulandes aki cu riba 6 September 2016, hunto y intencionalmente nan a transporta 14.130,6 gram di cocaine cu tabata parti den diferente maleta. Ta asina cu tin un mucha di 4 aña tambe, esta yiu di W.V. pero el a worde hiba Casa Cuna.

Ta asina cu Hues a ordena pa laga scucha dos testigo na Hulanda. Ayera mainta a resulta cu ainda no a scucha e dos personanan aki. A bolbe pospone e caso.

 

 

Leave a Reply