Home General Departamento di Impuesto ta desmenti cu nan a ground e avionnan

Departamento di Impuesto ta desmenti cu nan a ground e avionnan

7
0
SHARE
- Advertisement -

Tin chens cu e vindishi di InselAir Aruba por wordo cancela

ORANJESTAD (AAN): Departamento di Impuesto a reacciona riba e declaracion cu InselAir a duna relaciona cu grounding di nan avion, y ta culpa esaki riba asunto di Impuesto.

Departamento di Impuesto tabatin reunion extenso Diaranzon atardi laat unda Ministro di Finanzas Bermudez, y Ministro di Turismo De Meza, y representantenan di InselAir Aruba tabata presente.  Papia di e situacion cu ta reinando cu retrazo di pago di debenan di belasting di e aerolinea.  Tambe di e situacion di avionnan riba tera.

Departamento di Impuesto tin nada di haber cu grounding di avion, sino ta asunto di Aviacion Civil di Aruba.  E no ta logico tampoco.  Departamento di Aviacion tin nada di atende cu rekesitonan tecnico di e avion.

Autoridad a trata e parti di belasting, y pa esaki tin palabracion haci cu InselAir Aruba y ta wardando confirmacion di e aerolinea pa determina kico ta pasa awe, debi cu tin vindishi planea.

E palabracion haci cu asina haya confirmacion cu e grupo cu ta ocupa cu e plan di rescate, y esnan cu ta ocupa cu plan di stabilizacion, y ora cu haya confirmacion di palabracionnan haci, e vindishi di awe lo por wordo posponi.

E vindishi di awe ta full prepara caba pa tuma lugar den tres dia sigui.  Pero si haya confirmacion na tempo, lo por cancela e vindishi di awe Diabierna.

Departamento di Impuesto ocupa cu InselAir pa basta luna caba, y e aerolinea di nan banda a mustra cu nan por cumpli cu palabracionnan.  Ora cu a ground e avionnan, esey a pone extra presion riba operacion.  Debi cu avion no ta bula, no tin entrada, pues tur esey ta pone cos cuminza primi y nan obligacionnan pa cu Departamento di Impuesto.

Esey por a pone cu retrazonan a bin den cumplimento di palabracion.  Pero nan ta spera di por sali afo.

Beslag ta poni na banconan, y tambe articulonan manera inventario di InselAir Aruba.  Pero no tin beslag riba edificio ni riba avion.

Departamento di Impuesto a bisa cu nan no ta bay revela na prensa e suma di Belasting cu e aerolinea debe.  Pero si nan ta sinti cu InselAir Aruba tin disponibilidad pa fix e asunto, y awor cu tin un directiva nobo, ta trahando pa sanea e situacion.

Tin di tene cuenta, cu ora cu ta trata cierto tipo di impuesto cu ta wordo reteni di e trahador, e no ta placa cu ta di e compania, sino di e trahador!  Esey ta conta pa tur compania na Aruba.

Ora cu bo retene un suma di loonbelasting di e trahador, e mester wordo pasa pa Departamento di Impuesto.  E no ta cash-flow pa wordo usa y inverti den un negoshi.

Aviacion Civil di Aruba ta ocupa cu InselAir Aruba pa nan por cumpli cu nan rekesitonan tecnico pa por cuminza bula bek cu e avionnan.

 

- Advertisement -

DUNA COMENTARIO

Please enter your comment!
Please enter your name here