Home Policial Polis lo tin listramento preventivo den fin di siman atrobe

Polis lo tin listramento preventivo den fin di siman atrobe

2
0
SHARE
- Advertisement -

ORANJESTAD(AAN): Nos a papia cu Liliana Rasmijn, kende ta vocero policial, y a splica un tiki con ta bayendo cu Preventief fouilleren y tambe kico por spera e dianan nos dilanti.

Por bisa cu Cuerpo Policial ta hopi contento, manera e listramento preventivo ta bay hunto cu Faya bo Haya. Ta ripara cu e mensahe ta yegando. Ta wak tambe na e detencionnan cu toch ta bisa cu ta bao di dies y esey ta hopi bon.

Cuerpo Policial ta satisfecho y ta keda recorda cu cada actividad, loke ta parada, actividadnan grandi, e parti di Faya bo Haya, ta bay keda. Manera cu por a wak el a worde publica di tempran y por a wak tambe cu Ministerio Publik’e ya asina tur hende sa cu durante e ultimo 3 simannan di carnaval, e parti di Faya bo Haya ta keda.

Tin hende no ta tene cuenta. Rasmijn ta splica cu esaki ta un accion preventivo . E ta bay pa bo no busca problema pa bo bay wak carnaval trankil pa tur hende bay gosa. Toch si wak ta mira ta mira cu hendenan ta worde haya cu schroevedraier, cu sker. Bo a worde avisa y toch bo ta kere cu polis no ta hayabo. E mensahe ta cla y raspa. Tin un maneho “faya bo ta haya”, e ta keda conta. No bin busca problema pasobra polis ta hayabo.

Ora ta papia di un arma blanco, tin un boet mara na dje. Manera cu haya nan, ta coy e obhetonan cu tin, den beslag y ta haya un boet di biaha. Si ta un arma di candela, dimes e persona ta keda deteni.

Loke por a ripara di e parti di e festival di calypso esun di mas jong ta naci na aña 95. Lamentablemente ta wak tambe e fenomeno cu no ta hende homber so, pero mucha muhenan tambe awendia ta cana cu loke ta e obhetonan ey. Biaha pasa pa loke ta palabra di blaas, por a ripara cu hasta boskbeugel nan ta cana cun’e. Kico bo ta haci cun’e. E no ta kere cu bo ta hende muhe bo no ta worde ristra. Tur hende ta worde ristra. Tanto hende homber como hende muhe.

Mensahe

Liliana Rasmijn, Vocero di polis, a bisa cu e mayornan, loke ta bin pa e dos simannan aki, ta parada di mucha. Corda cu abo ta e mayor, abo ta ehempel di e muchanan aki. Comporta bo mes bon pa e muchanan tin e bon ehempel pa nan comporta. No ta kitabo di bebe. Ta haci un propaganda di amigo Didi, Fundacion Zinia y Cuerpo Policial pa asina busca bo amigo Didi. Asina bo por bay cas safe. No ta abo so mester yega cas cerca bo famia, pero esnan cu a bay wak carnaval y Cuerpo Policial tambe.

Bebemento

Por wak e bebemento y no por tapa solo cu un dede. Como mayor, nan ta responsabel pa nan yiunan. Educa nan y bisa nan kico ta consecuencia di bebemento dimas. No ta duna chens riba tur hende. Pesey ta avisa di tempran y polis lo controla. Bo faya bo ta haya, tabata ultimo palabranan di Liliana Rasmijn.

 

 

- Advertisement -

DUNA COMENTARIO

Please enter your comment!
Please enter your name here