Home General Via di Caso Sumario a manda para welga na Arubus

Via di Caso Sumario a manda para welga na Arubus

0
0
SHARE
- Advertisement -

ORANJESTAD(AAN): Diabierna mainta, mayornan, alumnonan, y maestronan tabata man na cabez!  No tabatin School Bus!

Trahadornan di Horeca tambe cu tin di yega trempan na Hotel pa labora, a keda na caya.  Un caos di otro mundo.  Tur esaki debi cu e Chofernan di Arubus a tene un accion di protesta, debi na preocupacionnan cu nan tin.

E accion aki a hala atencion di gerencia di Arubus mesora, y a dicidi via un Caso Sumario na Corte, pa obliga trahadornan cuminza labora bek.  Huez a duna ordo pa e welgistanan bay traha bek, y nan no mag di blokea entrada di e compania.  Si acaso nan no cumpli cu e decision, nan lo tin di paga un suma di placa.

E decision aki a pone cu Mediador di Gobierno tambe a cay aden.  El a pone e partidonan sinta na mesa y a yega na acuerdonan unda e trahadornan mester reanuda trabao a base di sentencia entre otro.

Huez a manda tur hende traha back y si no cumpli ta haya 100 Mil Florin multa pa dia.

Arubus ta un compania estatal importante cu ta worde subsidia cu seis miyon. Tin un CAO vigente cu e dunador di trabao y sindicato STA. E empresa ta di hopi vital pa nos pais. E chauffeurnan a presenta nan preocupacion pero e servicio tambe mester sigui. Diego de Cuba sindicato STA a splica cu semper nan bin na mediador ta sali cu solucion. Segun Diego de Cuba ta pa diferente motibo a bin cu e stap aki. E cos aki no por continua asina aki. Cada biaha no por bay na gerencia. Despues di reuni a kibra na mesa. Esey a conduci na un accion.

Sindicato STA a pidi disculpa na henter e pueblo pero esaki mester a worde haci. El a bira un wake-up call unda mester a drenta e situacion. No ta prudente pa laga e chauffeurnan di autobus core sin rijvergunning.

A bay na traha un protocol pa trece paz laboral. E ta condiciona na cierto rekisito cu mester atende. E cosnan aki mester a worde haci hopi tempo caba. No mester forsa chauffeurnan sali riba caya cu busnan deplorable. Tur hende a mira kico a sosode unda hasta airco tabata daña y pone chauffeur sofoca. Hopi biaha Arubus ta tarda pa pone cos den practica. Mester mira con leu gobierno ta willing pa pone Arubus draai optimal. Ta spera cu por yega na otro. Si bo ta traha den un bus caminda bus ta daña y e ventilacion no ta drenta den e bus. Hopi chauffeur no ta worry cu e airco daña pero mester busca un manera pa e biento drenta y tin bon ventilacion. Ta spera cu e resultado ta positivo. Tur hende ta responsabel pa pasa su keuring na SVb.

A mustra Diego de Cuba cu e trahadornan mes hopi a keda sin bay pasa keuring y esaki a causa problema pa e rijvergunning. Asina mes nan tin ok di DTP pa core y nan tin nan rijbewijs tambe di Bus.

Un trahador cu no pasa su keuring e mes ta causa problema segun Diego de Cuba. Mester cumpli cu ley. Na por yuda como STA pa genera entrada pa Arubus pero e gastonan tambe mester worde controla.

E forma cu ta gasta placa na Arubus tambe ta cos di cuestiona.

Diego de Cuba a splica cu tin factornan cu por haci uso riba dje. Tin puntonan valido cu a demostra cu falta diferente cos. Awor aki mes e Green Corridor a lubida e parada di bus. E infrastructura mester tey pa e bus drenta y sali sin problema segun Diego de Cuba. Por busca 100 bus nobo pero si no tin bushalte ta hibando awa lama pasobra ki ora baha di caminda ta causa daño na e ‎bus.

 

- Advertisement -

DUNA COMENTARIO

Please enter your comment!
Please enter your name here