Alarma di Bom a pone Polisnan bay sweep henter un lobby di resort

Publication: Monday, 20 March 2017. Categoria: Policial

ORANJESTAD(AAN): Un yamada cu a drenta, di un persona masculino na Marriott’s Aruba Surf Club, a pone cu mester a move autoridad mesora.

E yamada di e homber pa Marriott’s Surf Club tabata, cu tin un bom scondi den Lobby. E yamada a drenta banda di 10:00 pm, y mesora a yama Polis.

E procedimento di seguridad a worde encamina mesora den e caso aki tambe. Polis a evita trafico di hende unda e area di Lobby ta pa un momento. A yama esnan encarga cu tipo di investigacion y asina a cuminsa busca pa e bom.

Despues di a sweep henter e Lobby y e area rond di dje, a topa cu nada straño. Despues di e investigacion tur cos a bira normal.

Den pasado esnan cu a haci e tipo di yamadanan a keda deteni despues di investigacion. Cosnan asina ta castigable. Pesey mes, ta investigando e origen di e yamada.

 

Leave a Reply