Home Policial Asesinato di 4 persona na snack truck na Curacao.

Asesinato di 4 persona na snack truck na Curacao.

3
0
SHARE
- Advertisement -

ORANJESTAD,(AAN); Un caso di lamenta y a keda comenta den tur skina na Curacao y otro islanan. Ta trata di un caso di asesinato na unda cuater homber para diasabra anochi para na un Snack Truck situa na Berg Altena a wordo sefta pa bala cayente.

Informe ricibi for di Curacao a confirma cu tur 4 homber a fayece a consecuencia  di  impacto di bala.

E caso lamentable aki a wordo reporta na polis y mesora a cuminsa cu investigacion profundo pa logra pone man riba esun of esnan responsabel di e caso horibel aki.

Parce cu un of mas persona for di un auto lo a basha bala cu arma –aparentemente-  automatico. Hasta tin peaton cu tabata canando den vecindario cu lo a haya bala y un total di cuater persona mas cu despues a wordo declara morto.

Esnan cu a perde nan bida ta e hombernan Reegi. R. Arcangele Amgalista,  naci na Curacao di 32 aña, Harold Antonio  Francisca, 48 aña, naci na Curacao. Purcival Belano Brooks,  naci na Curacao di 54 aña y Elery Zedelkia Harvey Aeneas Jair Cijntje  tambe ta naci na Curacao. Mientras tanto tin diferente version relaciona cu e tiroteo na e snack truck y tin ta bisa cu hombernan arma a yega basha bala y core bay.

Di tur esaki ainda no a haya e version oficial con y kende lo ta responsabel pa e asesinatonan cruel aki cu den un fraccion a kita bida di cuater ciudadano.

 

- Advertisement -

DUNA COMENTARIO

Please enter your comment!
Please enter your name here