Auto a pasa y pone un Taxi baha di caminda y dal den palo di luz

Publication: Monday, 20 March 2017. Categoria: Policial

ORANJESTAD(AAN): Tabata Diasabra anochi banda di 10:20 pm, cu a registra un accidente riba Sasakiweg.

Pesey un unidad di Strandpolitie a sali rumbo pa e lugar di desgracia.

Nan a bin nota, cu un Taxi a ranca un Palo di Luz riba e caminda.  Ta trata di un Toyota Camry color di oro cu number TX-32.  E palo di luz mes tabata full benta abao.

Mesora e agentenan a busca informacion kico exactamente a sosode y un testigo a relata, cu e taxi tabata bayendo direccion zuid y diripiente un auto color preto a pasa e Taxi, y e vehiculo a touch of cera e Taxi.

Debi na esaki, e Taxista a perde control, el a bay den un scual y dal den e palo di luz y bashe abao.  E auto color preto mes a sigui y bandona e lugar.

E manehador di e Taxi a resulta herida, y e tabata keha di basta dolor na su heup. Ambulance a presenta na e lugar, pa asina paramediconan a stabiliza e victima, y despues a transporte pa hospitaal.

 

Leave a Reply