Home Policial Desgracia di trafico a conduci na detencion di hobennan cu droga

Desgracia di trafico a conduci na detencion di hobennan cu droga

2
0
SHARE
- Advertisement -

ORANJESTAD,(AAN); — Central di polis diabierna anochi a dirigi patruya San Nicolas na Weg Sero Preto na altura di Maxi’s relaciona cu dalmento y cu herido’s. Na yegada polis a constata cu tabata trata di dos auto cual un ta Nissan Super Saloon color blauw A-52260 y un Suzuki  Alto Blauw A-11564.

Diabierna 17 maart 2017 , marduga pa un cuarto pa un, patruya a wordo dirigi na rotonde situa na Weg Sero Preto situa na San Nicolas pa un dalmento cu hende herida leve. A resulta cu tabata cuestion di no a duna preferencia. Durante cu polis tabata atende e dalmento nan ta wordo acerca pa chofer di un otro auto cu a laga sa cu dilanti Joe Laveist Sport park tin un mucha homber riba caminda.

Relaciona cu  esaki polis a pone centralista na altura via portophone di un cu otro y a solicita refuerzo di  otro unidad. Durante cu tabata spera riba otro unidadnan, polisnan a wak cu e mucha homber a wordo busca pa chofer di un otro auto.

E chofer a core den direccion di polis y ora e vehiculo ta yega cerca polis a duna e chofer señal pa para y e chofer a cumpli . Polis a controla e Toyota Tercel shinishi A-57106 y den e auto tabatin 6 pasahero incluso e chofer. Tabata cuater mucha homber y dos mucha muher.

Polis a wak cu un mucha homber tabata keha di hopi dolor na pecho y polis a bisa nan tur baha bao.

E mucha homber y e mucha muhernan tabata R.R. como chofer, T.G. tabata sinta dilanti , e otronan ta J.E., M.D., R.L. y L.R. tur tabata sinta patras. R.L. ta e esun cu tabata drumi riba caminda y a wordo busca pa R.R..

Durante cu polisnan tabata tuma informe di tanto  e chofer R.R. y e cinco otro pasaheronan R.L. a wordo trata pa personal di ambulans. R.L. probablemente lo tabata meti den e dalmento y el a move bay for di e sitio. Debi cu e chofer y e ocupantenan tabata actua sospechoso y recien tabata tin varios caso reporta tocante grupo di hoben cu ta circula sospechoso den auto y probablemente cu arma di candela / substancia prohibi (droga), polis a dicidi pa listra tur hende y incluso e auto.

A listra e mucha muher  M.D. y den su tas “Micky Mouse” a bin descubri saco di plastic cu tabata contene 10 sakito transparente cu substancia parecido na marihuana, papel di 10 florin, saco plastic  contenido chikito di substancia parecido na cocaina.

Polis femenino a listra M.D.  y den su saco di carson drechi a descubri y a confisca un sakito transparente cu substancia parecido na marihuana y M.D. a wordo aresta y presenta dilanti fiscal y el a keda pa mas investigacion.

 

 

 

- Advertisement -

DUNA COMENTARIO

Please enter your comment!
Please enter your name here