Hendenan na Aruba falta mas informacion riba Tuberculosis

Publication: Monday, 20 March 2017. Categoria: General

John Henriquez:

ORANJESTAD(AAN): E siman di dia 27 pa dia 31 di Maart, DVG lo bay ta bezig cu su mediatour pa duna informacion riba Tuberculosis. Nan lo ta na radio, television, pa asina eynan elabora mas riba tuberculosis, kico e ta, su sintomanan, kendenan ta haci test cu nan, pa asina concientisa pueblo di Aruba riba tuberculosis, segun John Henriquez, verpleegkunde na departamento di Malesanan Contagioso na Salubridad Publico.

Falta mas informacion

Hendenan na Aruba, tin un parti chikito ta bon informa riba tuberculosis, pero falta mas informacion riba esaki, den comunidad di Aruba, pasobra loke ta pasa, hopi biaha si un persona mester tende cu un hende tin TBC, e ta bira un panico. Esaki pasobra e personanan no ta bon na altura kico ta encera e malesa di TBC. Pesey den e mediatour, kier bay duna informacion y concientisa e pueblo di Aruba kico ta encera TBC, di unda e ta bin, ken tin’e, ki ora bo ta haye, kico mester haci ora cu tin un persona cu por tin TBC. E bon ta toch di un otro banda, cu bo tin tratamento cu ta curabo di dje. Si bo ta tuma bo tratamento e no ta bira mortal e ora eynan.

Isolacion

Un persona cu tin TBC, cu e ta un open TBC, e persona aki mester ta isola na hospital. Eynan ta cuminsa cu su tratamento. Tin un procedura cu ta bay pareu cun’e e ora. Ora cu ta bay ta bezig den e mediatour, e ora por bay amplia mas hopi riba dje, pa asina eynan e comunidad sa kico ta e procedura, na momento cu un persona tin un open TBC. Ora cu ta un verdenking, tambe tin un procedura, pasobra e ora eynan kisas e persona ta den hospital, pero e dokter no a constata of no a diagnostica ainda cu e ta un TBC. Tin cu corda cu tin influenza tambe ta cana rond y tin otro malesanan tambe ta cana rond, cu tambe ta duna sintomanan di tosamento. Pesey, ora cu e dokternan meld, of e ta un open TBC of e ta un verdenking. Cu un verdenking, ta bay sigui haci test pa wak en berdad cu ta un TBC. E ora eynan nan ta diagnostik’e. Tur esey tambe tin su procedura, segun John Henriquez.

 

 

Leave a Reply