Home Hudicial Hues ta bay papia cu KIA pa drecha e situacion pa abogadonan

Hues ta bay papia cu KIA pa drecha e situacion pa abogadonan

5
0
SHARE
- Advertisement -

Relaciona cu critica di abogado

ORANJESTAD (AAN): Abogadonan ta sigui cuestiona e situacion na KIA cu nan ta pasa aden. Un biaha mas abogado mr. Bryson a reclama cu ainda e situacion den KIA, pa cu e trabao cu e abogadonan mester haci no ta bon.

Abogadonan ta sinti cu nan ta haya masha hopi problema ora nan tin su bay papia cu sospechosonan sera na KIA cu mester presenta dilanti Hues den Corte.

SITUACION FASTIOSO:

E abogado a splica Hues cu el a bay KIA pa papia cu sospechosonan cu mester presenta den Corte y ainda e situacion ta hopi fastioso. E abogado a bisa Hues cu e biaha aki e parti di screening a bay sin problema.

Tardanza di mas: E abogado a reclama cu el a bay tempran y e mester a warda mas o menos 2 ora promer cu e por a mira e sospechosonan. El a bisa cu e no por compronde pakico ta tarda asina hopi promer cu e por mira e sospechosonan cu e ta defende.

El a bisa Hues cu door di a tarda asina hopi, e no por a keda pa papia cu e sospechosonan pasobra un abogado mester planea su dia y tabatin otro compromiso cu e mester a cumpli cun’e.

Caminda di cruz: E abogado a splica Hues cu e procedura ta cu un abogado mester yama KIA y traha cita pa bishita un sospechoso cu mester presenta dilanti Hues pa su caso penal. E ta haya cu si tin cu cita traha, e no ta mira pakico e mester warda 2 ora promer cu e por mira e presonan cu el a pidi adelanta pa papia cune.

E abogado a bisa Hues cu e no por compronde pakico abogado mester pasa den tur e caminda di cruz aki, pa bay papia cu sospechoso cu tin e derecho di haya asistencia di abogado. Abogado ta haci tur esfuerzo pa por bay papia cu e sospechoso pa asina prepara debidamente pa e caso pero door di e situacion fastioso na KIA, tur e planeamento ta cay na awa.

HUES TA BAY KIA:

Hues a mustra comprension pa abogado su kehonan. Hues a bisa e abogado cu tin planea un reunion cu KIA y e lo bay expresa tur e preocupacionnan di abogadonan na gerencia di KIA.

Hues a bisa cu e no ta di acuerdo cu abogadonan mester pasa tur e molester aki pa bay papia cu sospechoso. E ta haya cu mester tin un mihor procedura caminda abogadonan por papia cu sospechosonan sin tur e molesternan aki y asina percura cu e sospechoso ta haya e ayudo di abogado cu e sospechoso tin derecho ariba.

 

- Advertisement -

DUNA COMENTARIO

Please enter your comment!
Please enter your name here