Pa maltrato serio fiscal a ordena aresto di “TAA” y “CAM”

Publication: Monday, 20 March 2017. Categoria: Policial

ORANJESTAD,(AAN):—  A drenta diahuebs informe via central di polis, cu na Cacique Macuarima situa na Marcuarima lo tin bringamento. Polis a presenta y agentenan ta topa cu e homber di inicialnan E.T.  para ta leun na muraya.

Polis a wak cu e homber tabatin un herida hundo na su orea banda drechi y cu e herida ta pasa di un banda pa otro y ademas, su cachete banda drechi tabata bastante hincha.

E.Thiel tabata keha di hopi dolor na su pia drechi y apenas e por a para riba e pia. Tambe polis a constata cu Thiel tabata scupi clompi sanger na suela y ademas cu Thiel lo tabata bebi .

Via central di polis a solicita presencia di polis na e sitio y ademas a pidi pa recherche tecnico na e sitio di delito  unda tabata tin un testigo cu a declara di tabata para dilanti e mini market y a wak cu Thiel a cuminsa busca problema cu “CAM” B. y “CAM” a bay y a bolbe cu su ruman homber T.A.A.

El a wak cu e rumannan B. hunto a cuminsa pone sla riba Thiel y un di nan a dal Thiel cu boter pero e no sa cua di nan a hasi esaki. Despues nan a bay y Thiel a keda herida atras. Ambulans mientras tanto a presenta y a transporta Thiel hospital pa e wordo atende.

Tambe recherche tecnico a presenta. Ora cu Thiel a bay caba cu ambulans patruya a controla e area buscando e rumannan B. pero nan no localiza nan. Recherche riba warda a wordo notifica di e caso y un rato despues el a inicia cu caso relaciona cu maltrato. Fiscal a duna ordo pa aresta e dos rumannan CAM y TAA Boekhoudt na un cas situa na Jan Flemming.

 

 

Leave a Reply