Encuanto Green Corridor…
ORANJESTAD (AAN): Segun Clarisca Velasquez di AVP, nan a tuma nota cu “e parlamentario floho y incapacita di MEP” a traha ful un storia cu Green Corridor lo ta e proyecto mas corrupto di historia.
Segun Velasquez, esun di MEP no ta busca pa sa drechi pero si ta balente pa traha ful un storia riba Green Corridor.
Fraccion di AVP cu si ta bay trabao y haciendo nan trabao si a bay DOW pa haya tur informacion riba Green Corridor pa ta na altura tur loke ta pasando. Ta invita e floho y incapacitanan di Mep pasa na DOW pa nan haya informacion drechi riba e proyecto aki.
Green corridor ta un proyecto cu ta bay alivia e trafico di Sanicolaas pa Oranjestad ademas cu ta hisa calidad di bida di nos hendenan pariba di brug drechando asina e infrastructura cu caminda pa cana y embeyesimento y esaki ta haci Mep dolor.
Tur cos pa Mep ta negativismo y odio y no por tin desaroyo aki na Aruba. Si tin desaroyo e ta corupcion. E proyecto di Green Corridor no tin nada di corupcion. Ta invita medianan tambe cu kier haci investigacion pa pasa DOW pa nan por haya tur informacion riba e proyecto di Green Corridor.
