Home General Pianistanan disgusta cu e diseño di teclado di Plasa Padu

Pianistanan disgusta cu e diseño di teclado di Plasa Padu

0
1
SHARE
- Advertisement -

Blunder total

ORANJESTAD (AAN): E ta wordo considera como un “Ignorancia Musical Pianistico”.  Un blunder di otro mundo, y DIARIO a haya sa den fin di siman, cu varios musico na Aruba ta disgusta cu esaki.

En corto, e persona cu a keda encarga pa construi y pinta e fundeshi y e base pa e monumento di Plasa Padu, por a sikiera busca yudanza of consulta cu un pianista, prome cu a cuminza verf.

Envez di a traha algo pa rindi honor y respet na Juan Chabaya “Padu” Lampe, e keyboard di su Plasa ta un blunder y un falta di respet mahos!

E tin di haber cu e teclanan blanco na e parti robez di e potret aki.  E keyboard normal nunca tin tres tecla blanco mey-mey di esnan preto.  Mester di 2 tecla blanco so, y cada uno ta mishi cu esun preto.  Na otro banda, tambe tin 3 tecla blanco.

DIARIO a check cu diferente musico, y nan tur a keda babuca pa e blunder aki.   E arkitecto cu a haci esaki, sa nada di piano.  E mester a busca conseho prome cu a comete e barbaridad aki.

Musiconan ta tuma esaki como un insulto!  Sigur nos Tata di Cultura, Padu del Caribe, lo no keda contento cu e insulto mahos aki.

Si bo ta bay traha un Monumento pa un Pianista, bo tin di consulta cu un pianista pa bo sa con e keyboard ta wordo hinca den otro.

E ta un ignorancia musical pianistico, y e ta terible.

E bon noticia ta cu e siman aki mes nan lo bay haci e coreccion.  Lo saca e awa y asina verf e teclanan bon.

 

- Advertisement -

1 COMMENT

  1. C’mon, people. Get a life!. I have never seen a ’round’ keyboard either. This is criticizing jus for the sake of criticizing.

DUNA COMENTARIO

Please enter your comment!
Please enter your name here