Home General Tata cu a maltrata docente na Commandeur Pieterboerschool no a wordo deteni

Tata cu a maltrata docente na Commandeur Pieterboerschool no a wordo deteni

6
1
SHARE
- Advertisement -

ORANJESTAD(AAN): E cuidado di preso Eithel Kingsale a subi tereno di Commandeur Pieterboerschool na San Nicolas, maltrata mas di un docente cu ayudo di un persona mas y despues bandona e sitio.

Na warda di Polis a menasa e docentenan cu a bay testigua locual nan a presencia den cura di scol. Asina mes autoridadnan hudicial no a mira motibo pa detene e empleado di KIA.

A scucha su banda di medaya diabierna atardi y e por a bay cas.     Ta parce cu na e scol mes e acto aki a cay den masha mal tera.

Docentenan y mayornan ta sinti nan mes insigur, con un mayor por tuma ley den su man y subi tereno di scol pa maltrata un docente cu a corigi mal comportacion di su yiu, un alumno di e scol.

Teniendo cuenta cu locual a sosode diabierna, Minister di Enseñansa a bay di acuerdo cu peticion di scol pa no tin scol dialuna. A sinta cu e docentenan pa mira con ta sigui padilanti, cu e trauma cu a keda atras.

Mas cu djis condena e hecho, Minister Michelle Hooyboer a manda un carta pa su colega di husticia, den cual e ta pidi pa haci tur lo posibel pa autoridadnan investiga e caso aki mas profundo posibel, pa preveni cu maltrato di docentenan na pia di trabou ta bira custumber.

 

- Advertisement -

1 COMMENT

  1. Schande dat er geen vervolging wordt ingesteld. Een cipier die zijn agressie niet onder controle heeft hoe gaat die met zijn gevangenen om?

DUNA COMENTARIO

Please enter your comment!
Please enter your name here