Abogado Chris Lejuez ta desmenti cu dama Chines a habri beauty salon cu placa di victima

    292
    0
    SHARE
    - Advertisement -

    ORANJESTAD(AAN): Relaciona cu e publicacion den DIARIO, encuanto e dama Chines, su abogado mr. Chris Lejuez a reacciona.

    El a desmenti cu e Chines a habri su beauty salon cu placa cu el a haya di e director di Serlimar.  E parti di dje tabata habri pa lunanan largo prome cu e dia 22 di Februari.

    Den DIARIO ta menciona e fecha di 22 di Januari, pero Abogado ta mustra cu e fecha a ser cambia, y rectifica den un proces verbaal di polis despues.

    Dia 22 di Februari sr. Fingal a lanta no 21 mil Florin tampoco manera publica, pero 24.400 for di un cuenta na banco. E mesun dia ey, esey tambe tin e verificacion den e proces verbaal di e caso, el a habri su kluis na banco. E pensamento ta cu posiblemente e dia ey el a lanta e placa y el a ward’e den su kluis.

    No tin ningun indicacion cu e a duna e placa, of a fia e placa ey na e señora. Ademas di esey, e señora su Spa, no ta cu su placa so el a lant’e, pero cu placa di su socio, kende nan dos hunto a lanta e spa, lunanan prome.

    Segun Lejuez, e dama su caso a bay aden. Fiscal a pone su demanda. Fiscal a splica pakico e ta haya cu e demanda ta na su luga. Defensa a hiba palabra, defensa a defende e señora y ta di opinion cu den e caso aki tabata tin un caso di defensa propio. E caso ta den man di hues awor aki.

    Hues lo tuma un decision, sea cu el a bay na banda di fiscal, of di defensa, defensa lo respeta e decision di hues, pero no ta na su luga cu prome cu esey mester a asesina e caracter di e señora aki.

     

    - Advertisement -

    DUNA COMENTARIO

    Please enter your comment!
    Please enter your name here