Home General Abogado mr. Carlo ta señala den Corte, KIA ta parce un ghetto

Abogado mr. Carlo ta señala den Corte, KIA ta parce un ghetto

159
0
SHARE
- Advertisement -

ORANJESTAD – Ta kico ta pasando na KIA! Luna pasa DIARIO a publica cu Hues a bay papia cu gerencia di KIA y a logra un solucion pa e caminda di cruz cu abogadonan tin cu pasa pa papia cu nan cliente. Awor ta resulta cu e situacion inhumano ta asina serio cu den KIA ta parce un ghetto.

Ayera mainta abogado mr. Carlo pa di tantisimo biaha ta reclama Hues cu su cliente preso ta bin for di KIA sin desayuna. Un biaha caba el a pidi Hues permiso pa el a duna su cliente Ensure pa bebe.

SITUACION INHUMANO DEN KIA

Abogado mr. Carlo ayera mainta a habri afo pa cu e situacion den KIA. El a representa un Venezolano cu a haci un atraco arma pero ta haya cu no ta manera pa trata hende.  E abogado a describi na Hues con extranhero ta pasa den KIA. Normal esnan sera den KIA ta depende riba familiarnan y conocirnan pa deposita placa ariba cuenta pa asina nan por cumpra cos den cantina di KIA.

E abogado a splica cu su cliente no tin familiar y actualmente e ta sufriendo pasobra e no tin placa na cantina y no por cumpra e cosnan basico esta habon, pasta di diente, papel di wc. Actualmente e sospechoso ta depende riba otronan den cel pa e por sobrevivi.

E abogado a mustra cu den KIA e situacion ta hopi serio. El a splica Hues cu recien abogadonan tabata un guia den KIA y na dado momento tabatin preso a bis’e pa pidi pa bay un seccion, cual no ta fiha riba e guia. E preso a bise cu e situacion ta sumamente inhumano.

Manda señal pa Gobierno: E abogado ta haya cu Corte mester manda un señal bon cla na Gobierno cu mester haci algo. No por ta asina cu KIA a para bira mescos cu un ghetto.

E abogado a bisa Hues si scucha storia cu presonan ta conta di loke nan ta pasa aden na KIA, ta increibel. Di acuerdo cu loke e abogado a scucha di presonan, KIA ta un ghetto completo y esey ta di lamenta.

Inverti placa drechi: DIARIO por a compronde cu e situacion di KIA tin añas andando. For di tempo cu abogado mr. Zara, mr. Marchena y mr. Schepper a bringa pa e presonan, a bin cierto cambio. Abogado mr. Lejuez tambe a señala e situacion inhumano cu tabatin na e seccion di muher caminda tabatin celnan riba beerput y esaki a causa malesa.

Tanto placa cu a gasta riba un caretera y brug, cual en realidad no tabata necesario, por a usa tur e placa aki pa no solamente reconstrui KIA, sino traha un institucion pa muchanan problematico. Traha otro institucionnan pa personanan cu problema mental por haya tratamento. Aruba ta score hopi abou cu su prison. Tin diferente raport cu a desaproba totalmente e situacion na KIA y toch no ta haci nada.

Ta di spera cu awor cu eleccion ta den porta, e partidonan lo pone e situacion di KIA den nan plan di maneho. Pa abogado bisa den Corte cu presonan ta considera KIA un ghetto, ta un situacion hopi alarmante cu mester di e atencion necesario di nos Gobierno.

- Advertisement -

DUNA COMENTARIO

Please enter your comment!
Please enter your name here