Home Turismo Aeropuerto di Aruba ta felicita Surinam Airways cu nan vuelo inaugural pa...

Aeropuerto di Aruba ta felicita Surinam Airways cu nan vuelo inaugural pa Sanford, Orlando

33
0
SHARE
- Advertisement -

 

ORANJESTAD (AAN) – Aruba Airport Authority N.V. (AAA) hunto cu e partnernan di e industria y Ministerio di Turismo a reuni hunto den AAA su VIP-Room pa celebra Surinam Airways su servicio di henter aña pa Orlando Sanford International Airport na Florida cu vuelonan cu ta origina for di Paramaribo. E servicio nobo cu a cuminsa dia 3 di April tin vuelonan cu lo yega Sanford riba tur dialuna 16:30 y cu buelo di regreso pa Aruba lo sali tur diamars pa 16:00. E ruta di 2,148 kilometer for di Aruba pa Sanford ta wordo opera cu e avionnan 737-300 di e aerolinea.

CEO di Surinam Airways Sr. R. Lachmising y e resto di delegacion di SLM cu tabata presente pa e buelo inaugural tabata hopi ansioso cu e servicio inaugural y a haci uso di e ocasion pa reuni cu agencianan di viahe local pa brinda nan mas informacion detaya di e servicio nobo. Agentenan di biaha y miembronan di prensa local y internacion selecta a ricibi e oportunidad pa ta abordo di e buelo inaugural y experiencia e servicio di SLM pa nan mes.

CEO di AAA Sr. James Fazio tambe a expresa su alegria y a brinda cu tur esnan presente. “Mas opcion pa y for di Florida lo beneficia tanto e Mercado Mericano como tambe esun Arubiano,” asina Sr. Fazio a expresa.

Cu e servicio nobo di Surinam Airways lo aumenta e capacidad di asiento cu 6,048 asiento adicional pa 2017, y esaki ta rason suficiente pa felicita e aerolinea cu nan buelo inaugural. Pabien SLM!

- Advertisement -

DUNA COMENTARIO

Please enter your comment!
Please enter your name here