Home Politica Alan Howell mustrando cu Eleccion no tin di haber cu partido, sino...

Alan Howell mustrando cu Eleccion no tin di haber cu partido, sino cu pueblo

214
0
SHARE
- Advertisement -

Plataforma E Forsa Nobo POR ta yama bon bini na Alan Howell

ORANJESTAD (AAN); Diamars durante conferencia di prensa Plataforma Polico E Forsa Nobo a anuncia Alan Howell como miembro di POR. Esaki a bin despues di varios combersacion, deliberacion y speculacion den comunidad, despues cu el a anuncia su retiro for di partido AVP y  como consehero di Minister Mike de Meza.

Alan tabata “vote getter” di su stem district durante ultimo eleccion cu riba 400 voto cual ta algo hopi dificil pa logra como politico awendia. Alan su animo no a keda eynan, semper a papia di kico mas e por haci.

Ora cu el a tuma su decision pa forma parti di POR cu sinceridad hopi grandi el a bisa: ‘for di banki bo no por dal home run, den politica ningun hende ta drenta pa kenta banki, sino pa por  traha pa nan pueblo y nan pais, lider di POR Otmar Oduber a bisa.

“E ta un honor pa mi por welcome Alan na e famia di e plataforma POR E Forsa Nobo. A base di su ideanan, vision y kico e kier logra den politica y con e kier logra esakinan cu e sosten di tur cu ta hunto cu ne, su bario y henter Aruba.

A yega na e conclusion cu definitivamente Alan como parti di e plataforma, POR lo contribui pa yega na e metanan cu e tin riba un interes personal pa loke ta trata Pais Aruba. Pero tambe cu el lo bira un parti integral di e filosofia y e programa cu ta trahando na e momentonan aki cu ta hopi importante pa su vision ta aden, pa logra na un oferta na comunidad di Aruba. Uno cu ta touch y yega den tur skina aki na Aruba”.

Alan Howell aki a bisa: “Danki na e plataforma pa a welcome mi na un manera super caluroso, amor y hopi respet. Mi a retira for di un partido y depues di a worde acerca pa varios partido na Aruba, mi a dicidi di haci un encuesta y scucha mi hendenan y wak ki direccion nos bay aden. P’ami e ta importante pa tur hende compronde cu eleccion no tin di haber cu partido, sino cu pueblo, pueblo ta duna bo e mandato y no un partido”.

Pa ta riba un lista no ta algo facil, bo mester tin e curashi, balentia y hopi amor pa bo pais pa bo por subi un lista y haci un diferencia. Awe despues di scucha sostenedornan, famia, San Nicolas entre otro, nan a dunami mandato cla y raspa di unda mi mester ta y caminda cu mi mester ta, ta caminda mi ta awe den Forsa Nobo, sr. Howell a bisa.

Como parti di Cuerpo Policial mi tey pa haci e diferencia den husticia caminda mi ta sigur cu cada persona na Aruba ta sigur cu nos mester bay den un otro direccion pa loke ta criminalidad. Cu mi experiencia di 23 aña den Cuerpo Policial di Aruba y den diferente departamento di Recherche y Atraco team, mi ta cla pa haci e trabao, cu e sosten di Aruba. Mi ta desea cu 22 september mi hendenan di San Nicolas, Aruba por sostenemi pa mi por haci e trabao, sr. Howell a termina bisando.

 

 

- Advertisement -

DUNA COMENTARIO

Please enter your comment!
Please enter your name here