Home Noticia Internacional Alemania: Extremistanan condena cu añanan di prison pa planea atake cu explosivonan

Alemania: Extremistanan condena cu añanan di prison pa planea atake cu explosivonan

6
0
SHARE
- Advertisement -

BERLIN: Corte na Alemania a impone sentencianan largo di prison na cuatro extremista islamico pa un complot pa detona un bom den un estacion di trein y pa mata un politico di extrema derecha.

Corte regional di Duesseldorf a declara culpable Marco G., di 29 aña, di intento di asesinato pa instala explosivo den principal estacion di trein di ciudad di Bonn na December di 2012. Su fam no a revela, segun leynan di privacidad di e pais.

Aunke e bom traha na cas a wordo descubri y desactiva prome cu esaki a explota, Corte a bisa cu e Aleman a converti na islamismo tabata merece bida largo debi na gravedad di delito. Corte a descarta su excarcelacion despues di 15 aña, como ta usual den casonan di bida largo den prison na Alemania.

Marco G. y otro tres acusado a wordo declara culpable ademas di forma un organizacion terorista y planea asesina un miembro di partido ultra-derechista Pro NRW cu a participa den protestanan contra moskenan despues di publicacion di caricaturanan di profeta musulman Mahoma.

Hueznan a sentencia ciudadano Albanes, Enea B., di 46 aña; Turco/Aleman Koray D., di 28; y ciudadano Aleman Tayfun S., di 27, cu entre 9 y mey y 12 aña di prison.

Fiscalnan a bisa cu plan di hombernan a wordo alimenta den parti di un mensahe di audio disemina pa Movimento Islamico di Uzbekistan. Nan a wordo aresta na Maart di 2013, prome cu asesinato planea.

- Advertisement -

DUNA COMENTARIO

Please enter your comment!
Please enter your name here