Home Comentario Algun chofer ta abusa di velocidad riba Caya Grandi den oranan di...

Algun chofer ta abusa di velocidad riba Caya Grandi den oranan di anochi

41
0
SHARE
- Advertisement -

Comentario:

Pa Mercedes Abdul

Diahuebs cu a pasa, den oranan di anochi mi a cana for di terminal di Arubus na Playa te Botica Oduber, pa busca un receta. E tabata despues di 8’ or y como cu no tin tram e oranan ey mi a dicidi di cana meymey di caminda.

Pa mi sorpresa, un poco pariba di La Linda mi a tende patras di mi cu un pito di auto masha duro mes cu mi a spanta. E tabata un chofer cu a haci seña pa mi kita for di caminda.

Mi a bira masha disgusta pero mi a sigui cana riba acera pa evita otro susto. Dicho y hecho. Un par di bloke despues mi a scucha un sonido comosifuera algo a rementa, y mi a bira mi cabes wak y tabata un otro chofer biniendo duro, cu sigun mi e mester a keda cu un buraco den tire di su auto.

Ya llegando e botica, ta otro auto a pasa na velocidad halto y lora bay unda e tram ta lora pa sali Caya Grandi bay bek pabao.

No tin vigilancia e oranan ey di polis, kizas polis no sa mes cu tin chofernan ta mal usando Caya Grandi anochi. Alomenos mester tin un camara pa graba e chofernan iresponsable aki. E caya aki no ta adecua pa autonan core comosifuera un caya normal.

Mi a tende cu gobierno por a duna luz berde pa autonan core riba Caya Betico Croes gewoon, y si ta asina mes, anto mester bin cu cierto normanan, por ehemplo CORE POCO, POCO!

No ta asina aworaki, y tin hende ta gusta cana meymey di caya anochi. Mi sa wak famia y mi sa wak mama cu mucha chikito riba stroller. E chofernan cu no ta tene cuenta cu Caya Betico no ta un caretara manera tur otro unda autonan ta circula tur dia den un rutina, no ta worry mes cu por tin peaton cu ta cana pa placer riba e mesun caminda cu nan ta coriendo duro y cu no tin e funcion aki.

Un yamada mi ta haci na autoridadnan concerni pa tuma esaki na cuenta y tira un bista nan tambe.

- Advertisement -

DUNA COMENTARIO

Please enter your comment!
Please enter your name here