Home Politica Aliansanan nobo ta nace for di sistema bieu y obsoleto

Aliansanan nobo ta nace for di sistema bieu y obsoleto

78
0
SHARE
- Advertisement -

Otmar Oduber:

ORANJESTAD(AAN)— Den transcurso di siman pasa por a tuma nota di e peticion di miembro di Parlamento, sr. Dangui Oduber, unda ta busca pa cambia e “kiesverordening” pa asina parlamento di Aruba por refleha mehor e decision di e votadornan di ken ta representa nan den gobierno.

E cambio aki ta dirigi riba un cambio fundamental unda cu esnan cu haya mas voto lo mester tin e derecho di drenta parlamento na lugar di secuencia riba lista, etc.

Un bon ehempel di esaki ta e caso di sr. Allan Howell cu den ultimo eleccion a subi lista di AVP pa su distrito di San Nicolas.

Sr. Howell, un ex-polis cu a dedica un bon parti di su bida na sostene e carera deportivo di su yiu muher Shanaya Howell a subi lista cu e gana di sirbi su pais y su distrito di San Nicolas cu e mesun amor y pasion cu e la dedica na su yiu muher cu a resalta den e area di bike-cross pa yega te na Olimpiada.

For di momento cu e la join e lista di AVP e la traha duro y a logra un cantidad di voto respeta di mas di 400 y pico. Pero na final e la keda for di parlamento pa un otro cu solamente a haya 40 y pico voto sinta na su lugar.

Esaki a trece un desilusion grandi den su persona cu tabata cla pa haci tur loke cu por pa San Nicolas y su pais. Consecuencia ta cu el a dicidi di tuma su retiro for di e filanan di AVP y a bay busca otro rumbo of otro manera pa por logra e metanan cu e tin pa su dushi San Nicolas.

Den fin di siman por a tuma nota di varios di nos fuentenan di un acercamento di Plataforma E Forsa Nobo/POR cu sr. Allan Howell mirando cu e plataforma lo ta hopi interesa den hendenan cu tin e dedicacion, amor y pasion pa nos Aruba y ta busca hende cu kier traha pa solucionnan real pa Aruba, segun yamadanan cu a drenta na nos mesa di redaccion.

No lo ta nada straño cu den e proximo dianan y siman lo sali un anuncio oficial bisando cu sr. Allan Howell lo uni su mes na E Forsa Nobo/POR. Diario a busca contacto cu entre otro señor Oduber pa un declaracion y su persona a confirma cu nan a combersa den fin di siman un biaha mas. Sr. Howell ta un persona hopi respeta den e comunidad di San Nicolas y sigur e lo aporta positivamente na e plataforma nobo y na su pais.

 

 

 

- Advertisement -

DUNA COMENTARIO

Please enter your comment!
Please enter your name here