Home Enseñanza Alumnonan di Abraham de Veer school a haya un amplio splicacion kico...

Alumnonan di Abraham de Veer school a haya un amplio splicacion kico ta e trabou di Polis

25
0
SHARE
- Advertisement -

ORANJESTAD (AAN)—Diahuebs atardi, e alumnonan di Abraham de Veer school, a haya bishita di un grupo basta grandi di Polis, pa asina duna un amplio splicacion kico tur e trabou di Polis ta encera y cu e posibilidad cu si tin di e alumnonan cu tin pensa di bay studia pa bira Polis, kico tur nan mester tene cuenta cu ne.

Tambe tabata tin diferente demostracion di tanto K-9 cu su cachonan cu ta entrena pa busca arma, droga, hende y mucho mas. E boto di Polis tambe tey presente pa duna splicacion di nan trabou ariba lama pa combati droga y cosnan ilegal.

Un grupo di Polis ariba bicicleta tabata tey pa asina mustra e importancia pa por tin Polis presente, specialmente ora cu tin hopi Turista ta cana rond den nos cayanan y asina un otro cantidad di otro departamentonan cu a duna un splicacion di cada departamento.

Adhunto nos por a wak un Truck di Brandweer, cu tambe a probecha di e anochi aki, pa duna e alumnonan un splicacion di e trabou di Brandweer, si acaso tin di alumnonan cu ta desea pa na lugar di solicita pa Polis, por solicita pa Brandweer.

E alumnonan tabata tin hopi pregunta y sigur a bay cas cu masha hopi informacion pa asina nan dicidi si acaso nan ta desea di solicita pa sea Polis of Brandweer.

- Advertisement -

DUNA COMENTARIO

Please enter your comment!
Please enter your name here