Home Suceso Atraco arma riba dama den su cas na Warawara

Atraco arma riba dama den su cas na Warawara

218
0
SHARE
- Advertisement -

ORANJESTAD (AAN): Diahuebs a habri como un dia cu hopi biento, abundancia di solo, y tog trankilidad den varios bario.

Pero esaki a wordo interumpi algo prome cu 12’or, ora cu dos persona a dicidi na comete un atraco den centro di e isla, riba cas di ciudadanonan cu ta traha cu hopi sudor pa yega na nan cosnan.

Dos homber inespera a yega na un cas den bario di Warawara, y actua comosifuera nan ta interesa pa cumpra un auto.  Uno di nan cu arma di candela, y cu forza a drenta e cas, y a apunta e arma riba e dama Asiatico cu tabata na e cas.  Den perfecto Papiamento, nan a pidie pa “placa”.

Ta trata di un homber color scur, y e otro ta di color di cuero cla.  Den e forzamento, nan a pasa man pa e cartera di e dama, den cual e tabatin como 500 Florin.  Fuera di esey nan a rek man y bay cu un iPhone.  Kizas a pasa man pa algun cos mas.

Pero rapidamente a core sali di e cas, y a subi un auto color shinishi, y huy den dje.  Na comienzo a papia di 3 homber, pero Polis awor ta confirma cu ta dos atracador so.

Mesora despues a yama Polis, y e yamada a keda registra pa 12:02 pm.

Central di Polis mesora a mobiliza unidadnan di Polis rumbo pa e cas na Warawara.  Mesora a avisa Atraco Team tambe, cu a bay na e lugar pa asina start investigacion.  Ta bay check si acaso e cas tin Security Camera, of kizas e bisiñanan lo por tin.  Awendia tin algun Security Camera trahando cu sistema di IP, cu tin resolucion mes halto cu High Definition, y cu por capta number di auto facilmente.

Tog Polis ta pidi tur esnan cu por a mira algo raro Diahuebs merdia na Warawara, pa yama Polis na 100, of duna un tip na e Tipline di Polis na 111-41.

- Advertisement -

DUNA COMENTARIO

Please enter your comment!
Please enter your name here