Home Suceso Auto a dal duro tras di Taxi cu na final a bay...

Auto a dal duro tras di Taxi cu na final a bay dal un dama cruzando caya cu stroller

33
0
SHARE
- Advertisement -

Na Zebrapad

ORANJESTAD(AAN): Tabata Dialuna den careda di 2:30 pm, cu un accident a keda registra net dilanti Bestuurskantoor riba LG Smith Boulevard.

Varios patruya di polis a ser dirigi na e lugar, pasobra tabata menciona cu tin hende herida entre otro un baby.

Na yegada di patruya a bin encontra cu e accidente.  Tabata entre un Toyota Camry color berde cu number TX-231 y un Toyota Mark X shinishi numera A-58277.

Ora polis a bay chek kico a sosode, a bin nota cu un baby den un stroller ta e victima.

A yama ambulance pa asina duna e baby asistencia medico. Testigonan a conta polis cu e taxi a para na e Zebrapad pa asina e señora cruza caya cu su baby den stroller.

Diripiente e chofer di e Toyota MarkX no a regla velocidad, y a dal duro tras di e taxi y cu consecuencia cu e taxi door di impacto a bay dilanti y dal e baby den e stroller y a bay para un distancia basta leu for di e lugar.

E baby finalmente tabata ok. Despues di e impacto e chauffeur di e MarkX a baha y puntra e chauffeur di e taxi pakico el a para mey mey di caminda. Increible pasobra ta un Zebra Pad y tabata tin peaton cu kier a crusa.

No ta conoci kico tabata e descuido riba caminda cu a pone e chauffeur core asina duro y dal tras di taxi.  Aki e velocidad maximo ta 50 km/h den Bebouwde Kom.

E taxista tabata riba caminda hibando turista pa Aeropuerto.

 

- Advertisement -

DUNA COMENTARIO

Please enter your comment!
Please enter your name here