Home Cultura Awe Diabierna anochi tin competencia di Fli di Luz na Noord

Awe Diabierna anochi tin competencia di Fli di Luz na Noord

729
0
SHARE
— Un bunita fli di luz produci pa Rigmar Roza.
- Advertisement -

ORANJESTAD (AAN): Esaki ta e di Diez Aniversario di “Kite Slam” na Boegoeroei.  Ya caba Diahuebs tabatin competencia di Fli Mediano.

E actividad ta sigui awe Diabierna 28 di April cu Fli di Luz, y Diadomingo 30 di April cu competencia di Fli Gigantesco bulando riba area di Boegoeroei y Noord.

Net 10 aña pasa, e club conoci como SV Jong Aruba Lifida a cuminza cu e evento di Fli pa yena un bashi cu tabatin e tempo ey.  E evento a bira grandi.  Awor cu SV Jong Aruba Lifida a cambia di nomber, e dirigentenan di e club nobo di Sport Club United a sigui cune.

FLI DI LUZ:  Awe Diabierna  for di 7:00 pm te cu 12:00 am, lo tin competencianan di Fli di Luz.   E grandura di e Fli cu luz ta di 1.00 meter te cu 2.50 meter.   E evento di e anochi aki ta patrocina pa Taco Bell.

FLI GIGANTE:  Diadomingo awor for di 9:00 am te cu 7:00 pm, tin e competencianan tan spera.  Esta Fli Gigante cu lo ta den cielo.  Cada aña teamnan local, incluyendo esnan di Curacao, ta pusta pa wak kende ta bira e maestronan cu ta domina e espacio aereo cu nan creacionnan crioyo.

Fli Categoria E ta pa fli di 3.50 te cu 4,25 meter di  grandura.
Fli Categoria F ta pa fli di 4,30 te cu 5,00 meter.

E evento di e e dia aki ta patrocina pa Aruba Bank.

Publico ta invita pa acudi na e veld di Sport Club United cu ta keda como 400 meter pariba di Misa di Noord.  Sugerencia ta pa publico no para na banda pabao di e veld, pa evita cu cualkier fli cu kibra liña no bin cay riba bo of bo auto.

- Advertisement -

DUNA COMENTARIO

Please enter your comment!
Please enter your name here