Home Cultura Awe nochi 9.10 pm na Tele Aruba, Presentacion di pelicula di Gabriel...

Awe nochi 9.10 pm na Tele Aruba, Presentacion di pelicula di Gabriel Garcia Marquez, Premio Nobel 1982 na Tele-Aruba

41
0
SHARE
- Advertisement -

ORANJESTAD (AAN) — E pelicula Cronica de una muerte anunciada ta di man di e creacion magistral di Gabriel Garcia Marquez. Produccion importante aki ta bou direccion di Francesco Rosi. Ta bisa cu e pelicula ta e miho di cine colombiano, cu ta trata e temanan di un amor, un honor perdi, un traicion y un morto.

Despues di hopi aña, un cronista di edad avansa ta bishita e scenario di e historia tragico, na unda un crimen sangriento a tuma luga. Un pueblo tropical, cu un clima cayente na oriya di un gran rio, na unda practicamente no sa y tabata sosode nada, te na e momento cu e comerciante rico y misterioso, Bayardo San Roman ta yega na e pueblo y e ta namora di Angela Vicario, e mucha muhe mas bunita di e pueblo. Pero … Angela Vicario no ta virgen, Bayardo San Roman ta reclama Angela y e ta debolbe Angela na su famia riba e mesun anochi di nan matrimonio.

E conmocion ta inmenso. E rumannan ohochi Pedro y Pablo Vicario ta obliga nan ruman muhe, recien casa, pa e confesa e nomber di e persona culpabel di su deshonra. Ora nan a haya sa cu ta Santiago Nassar ta e culpabel, nan ta cana vocifera cu nan lo no descansa te ora nan tuma venganza sangriento di e deshonra di nan ruman muhe Angela. Dicho venganza sangriento ta tuma luga, mientras cu casi henter e pueblo ta testigo indiferente di e historia tragico aki.

Esaki lo pasa riba awe, diabierna 7 di april, despues di sorteo di Lotto pa Deporte pa 9:10 p.m.

- Advertisement -

DUNA COMENTARIO

Please enter your comment!
Please enter your name here