Home Tempo Awenochi planeta Jupiter den oposicion cu Solo y ta cerca di planeta...

Awenochi planeta Jupiter den oposicion cu Solo y ta cerca di planeta tera

113
0
SHARE
- Advertisement -

ORANJESTAD (AAN): Aruba Astro Research Int. pa medio di Sr.Marcos Bislip ta informa oficialmente cu Dia 7 di April 2017 planeta grandi den nos sistema solar esta Jupiter ta bay ta den oposicion cu planeta tera esta cerca di nos planeta for di un distancia den espacio.

Mientras cu Dia 8 di April 2017 e planeta grandi Jupiter lo ta mas cerca di distancia for di nos planeta tera esta na 414 miyon di miya y 666 miyon di km for di nos planeta tera.

E evento celestial aki no ta algo fuera di normal aña pasa 2016 e evento aki a tuma lugar ariba Dia 8 di Maart 2016 y un evento similar lo tuma lugar atrobe ariba 9 di Mei 2018 ta asina cu cada 13 luna e planeta Jupiter ta bay den oposicion cu e solo.

E evento celestial aki di Jupiter lo worde observa tur caminda na Aruba tanten cu nubianan y biento coopera y cu esaki lo no stroba nos pa por observa Jupiter.

Por aprecia e diferente graficonan y por mira con nos por observa e planeta Jupiter den un telescope. Por haci uso tambe di un verkijker 20×50 mm of mas potente.

Planeta Jupiter lo worde observa como un strea hopi briyante dilanti di e constelacion di Virgo the Maiden alcansando un briyo cerca di un magnitud 1 di strea net bou di Jupiter ta sigui e strea Spica e lus mas briyante den Virgo.Aruba Astro Research Int. ta e instancia oficial ariba e tereno di astronomia aki na Aruba for di aña 1997 reconoci pa Gobierno di Aruba y e organizacion tin 23 aña trahando ariba e tereno di astronomia na Aruba y tur informacion oficial di astronomia, cosmologia, espacio, ufologia y programa espacial ta worde dirigi y maneha pa Aruba Astro Research Int. y Sr.Marcos Bislip hunto cu e centro di observacion ATSOC.

Mientras cu Sr.Bislip mes tin 26 aña trahando ariba e tereno di astronomia aki na Aruba. Na aña 1999 Marcos Bislip den calidad como astronomo y presidente di e instancia oficial di astronomia Aruba Astro Research Int. a bay representa Aruba na Turkia oficialmente via di un decision di ministerraad di gobierno di Aruba.Na 1998 tanto Aruba Astro Research Int. y Sr.Marcos Bislip a keda oficialmente responsabel pa dirigi y maneha e tereno di astronomia pa medio di un decision di gobierno y pa cual a forma parti tambe di e comision nacional pa cu e preparacion di e evento di eclipse total di solo Dia 26 di Februari 1998 aki na Aruba.

Pa mas informacion oficial por contact Sr.Marcos Bislip presidente y astronomo di e asociacion nacional arubano di astronomia Aruba Astro Research Int.  Sr.Marcos Bislip ta e unico astronomo arubiano cu ta representa Aruba localmente y internacionalmente oficial y ta forma parti di Astronomical Leaque di Merca.  Marcos ta e prome astronomo arubiano cu a representa pais Aruba den e team mundial astronomia di NASA y IAU na 1999 na Kastamono naTurkia na unda a pone e nomber di Aruba na halto den tur e paisnan grandi poniendo Aruba ariba mapa mundial pa cu e tereno di astronomia.

 

- Advertisement -

DUNA COMENTARIO

Please enter your comment!
Please enter your name here