Home Deporte Basketball Coach Aleman lo duna clinica gratis otro siman

Basketball Coach Aleman lo duna clinica gratis otro siman

34
0
SHARE
— Coach Heinrichs ta na Aruba como turista pero lo ofrece clinics pa localnan.
- Advertisement -

ORANJESTAD (AAN): Un conocido coach di Basketball na Alemania, ta actualmente pasando dos siman di vakantie na Aruba.  Como cu su amor pa Basketball ta enorme, el a acerca Aruba Basketball Bond via di email, pa check si tin interes pa atende algun clinics gratis riba e isla.

— Coach Heinrichs.

   Ta trata aki di coach Pascal Heinrichs. Coach Heinrichs ta biba na Alemania y ta di vacacion pa dos siman na Aruba.  Coach Heinrichs a ofrece di haci un coaches clinic gratuitamente.  Aruba Basketball Bond (ABB) a dicidi pa haci uso di su oferta.  Y pesey coachnan na Aruba, tambe ta invita pa asisti na e coaches clinic di 2 dia.

   E dianan ta Diamars 18 y Diaranzon 19 april venidero, for di 7:30 am te cu 10:30 am. Ambos dia lo ta na Centro Deportivo Betico Croes (CDBC) na Santa Cruz.

 Diamars 18 april CDBC (sala 5)

E dia aki lo tin un caracter mas teoretico. E lo duna un presentacion y ABB a pidie lo cubri e siguiente topiconan:

– Athletic / Footwork development in young ages (10-16)

– Shooting in general and in the different stages;

– Rotation when playing “man to man”;

– Rotation when playing “zone”.

   ABB lo percura pa handouts cu lo wordo parti e dia ey. Coachnan cu ta participa ta ser pidi pa bin cu boso pen etc.

 Diaranzon 19 april CDBC

E dia aki lo tin un caracter mas practico. Pues nan lo ta riba e court. Nan lo invita e seleccion U18 pa train cune y coachnan por participa y haci pregunta y mira su approach.

 Coach Heinrichs tambe a pidi pa coachnan trece algun di nan “Man-to-man offensive plays” pa asina e mustra e defensive rotation contra e mesun offense aki.

Registra

Apesar cu e clinic ta gratis toch nan kier e coachnan local informa Bond via e-mail ken lo atende e clinic. E informacion ta necesario pa regel suficiente cos di bebe, pasaboca, etc.  Por contact via: arubabasketballbond@gmail.com

- Advertisement -

DUNA COMENTARIO

Please enter your comment!
Please enter your name here